Isikiel 16:10 - DAWAN BÎLA AISKA

¹⁰ Kwala pranakira mai dingkamna, minam dingkaika painkira sin maikri, linin kwalka maisam wilkaika maikri, bara kwalka yamnikira maman sin maikri.

Isikiel 16:10 ပူးပေါင်းရင်းမြစ်များ

Blasi Sturka 41:42

king fero ai mihta wina king mihtadingka king sîlka prakan bri ba daiki saki, witin mita Josep mihta ra dingkan. Bara ai uplika nani ra win, linin kwalka kau painkira ni sipan prâka ba ni Josep ra yaka dimbia, bara ai nana ra sin gul lilurka kum mangkbia win.

Lawana Nani 45:15

Witin nani lilia tara wal wapi, king watla ra dimi auya.

Impakan Sturka 25:5

sîp wainhka iki taya ink pauni dingkan ba, taya painkira, akasia dusa,

Impakan Sturka 26:14

“Baku kli utla ba dukiara, sîp wainhka taya pauni dauki, baha ni kwala tara wal paskma, bara taya ba ra kli wala kau pain kum paskma, baha purara prakaia.

Impakan Sturka 26:36

“Bara utla dimaia durka ba kat kwala pami swis, blu, pauni pali, linin kwalka ai mihta ni pitbi mami prana daukan ba.

Impakan Sturka 28:5

Baha prâka sipaia uplika nani ba, naha dukia nani na bri kabia: gul, kwala mapla blu, balianta, paura, bara linin pitban ba sin.

Sins Lâka 31:22

Witin krikri ra palkaia kwalka twakni ai mihta ni paskisa, bara kwala kau painkira ba ni ai prâka brih dimisa.

Aiseya 3:23

wan mawan kaikaia glaska nani, linin painkira, prâk pura dimaika nani ba, bara mawan pura prakaika nani sin âpu daukbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Isikiel 16:13

Gul bara silbar ni mai srukan kan; kwalkam nani ba maman dukia kata, mapla sât sât. Brit kau yamni ba pi katma, nasma laya bara oliv batanka laya. Prana pali takatma, kwin kum takatma.

Isikiel 16:18

kwalkam mapla sât sât ba ni srukatma, bara batana kata ba, bara sîka mâka kîa yamni ba yabatma.

Isikiel 16:7

Yang mai daukri man dus kum baku pâwaia. Tara pali pâwram, tara takram bara mairin takram. Tialkam nani ba tranwa takan, bara tâmwa sin pâwan. Sakuna kwala luha kapram.

Isikiel 26:16

King nani kabu wina ba sut batakan kabia, bara ai prâka maman nani ba sut dakbi bribia; sibrin tara ba mita tasba kat iwi kabia, awar bani sibri mita tatatwi kabia bara baha nani kaiki sibrin takbia.

Isikiel 27:16

Edom ba diara man wina atki kan, diara ailal bri kapram bamna; baha granit walpaya, kwala balianta, kwala maman nani, wahmuk kwalka mana pali, kabu dusa manakira bara rubi walpaya.

Isikiel 27:7

Duri wakaia dusa ba, Idsip wina wahmuk kwalka maman kan; plakin baku bri katma. Pura bika kwalka ba balianta bara pauni kata, Elisá kabuka un wina brih balan ba.

Luk 15:22

Sakuna aisa ba ai albika nani ra wisata: ‘Aihni muns bara prâk kau pain pali ba saki bri sal dingks; mihtadingka sin kum ai mihta ra dingks, sûs sin ai mina nani ra.

Param Marikanka 18:12

diara nani kwahki gulka nani, ai silbarka nani, ai walpaya manira nani, ai walpaya klauhira nani, linin kwalka painkira nani, silk kwalka nani, balianta talia kwalka nani bara kwala pauni nani suni kan ba; dus kîa painkira sât sât, elepant napa ni paskan dukia nani, dus painkira ni paskan dukia nani, bras ni paskan dukia nani, ayan ni bara walpa pihni ni paskan dukia nani;

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 21:2

Yang tawan holi ba kaikri, Jerusalem raya ba, kasbrika purara ba wina bal iwuya kan, Gâd mawan wina. Baha ba pain pali ridi daukan kan, marit takaia mairka kum ai waitnika wal prawaia kwala pain dimi ba baku.