Isikiel 15:8 - DAWAN BÎLA AISKA

⁸ Bara kuntrikam ba bîla man, upla iwras tasbaya daukamna, kan yang wal kasak lâka luha kan bamna. Yang, Dawan, kasak aisisna.”

Isikiel 15:8 ပူးပေါင်းရင်းမြစ်များ

Impakan Sturka 21:8

Mairin ba mita brin daukras ba tâka, ai dawanka witin ba ai maya briaia apia wisi swisa kaka, sans yabaia sa mairin na alba kaia ba wina atki sakaia. Ban sakuna, witin mita sip apia sa mairin na upla tringsar, plis wala wina ra atkka waia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Isikiel 16:1

Dawan bîla yang ra balan, bara ai win:

Isikiel 17:20

Witin purara iliski ba wauhamni, baha wal alkamna; Babilon ra brih wamna, bara bahara lâ ra dingkamna yang wal kasak apia kan ba tâwan.

Isikiel 33:29

Upla iwras tasbaya ra, yang kuntri ba sauhki tikanka ra dingkri ai saurka tara pali witin nani daukan ba tâwan; baku mika ai dara wali banhbia yang sika Dawan sna ba.’

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!