Isikiel 14:6 - DAWAN BÎLA AISKA

⁶ Baku bamna, wis Israel luhpia nani ra: ‘Naku win Dawan ba: Kupiam laks, bara aidulkam nani ba wina taws, bara mamwan ba wauhi laks diara yamni kaikras lâka sut ba wina.’

Isikiel 14:6 ပူးပေါင်းရင်းမြစ်များ

2 Kronikas 29:6

Kan wan almukka nani ba Dawan yabalka wina tnaya ra kan, ai daukanka nani sin Dawan nakra ra saura kan bamna, Dawan ra sin swih banhwan. Ai nakra Dawan wina tnaya ra lakan bara Dawan bâra ba pliska saura kulki banhwan.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Isikiel 14:4

Witin nani aikuki aisas bara wis: ‘Dawan naku aisisa: Ya ya uplika, Israel luhpia nani tila wina, aidul nani bri ba ra ai kupia mangki bri ba, ai mina prukaika warkka ai kainara mangki bri yaba, prapit ra ai pura suni walaia balbia ba ra, yang pana witin ra aisamna, witin aidulka ailal bri ba natka kat.’

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.

Isikiel 8:6

Baha ningkara ai win: “¿Kaikisma Israel luhpia nani diara saura dauki ba, baha nani wal sika, tempelki holikira wina laihura auya ba? Baku bamna, kau diara saura nani kaikma.”

Oseas 14:8

Baha yua ra Efraín aisabia: ‘¿Aidul nani ba dukiara, yang dîa lukamna?’ ¡Yang sika upliki ra wali ban kaiki kamna! Piu bani awas dusa baku sangni ban kamna, bara upliki nani ba, yang wina mâ nani wahbi kabia.”

Sofonías 3:11

Baha piua ra, tawanki, man lika yang maipara bûi diara saura nani daukram ba, baha dukiara man nani swiram lukma apia. Man nani tilam wina prautkira pura luan dauki nani ba sakamni, bara yang ilki holikira ra, man nani kli pura luan lâka daukma apia.

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Roman 6:21

bara nanara baha dukia nani tâwan swiram mai dauki ba wina, ¿dîa pain sakatma ki? Baha ba prura mata baman mai brih auya kan.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”