Isikiel 14:22 - DAWAN BÎLA AISKA

²² Upla wiria man raya takaskbia, bara baha wina ai luhpia waitna bara mairin brih taki wabia. Ansa piua ra man nani ra wabia ba ra, kaikma nahki man nani wal iwan ba, bara diara man nani wal daukan ba, bara klala ba wina maisa nihkan kabia, Jerusalem purara bri balri ba.

Isikiel 14:22 ပူးပေါင်းရင်းမြစ်များ

2 Kronikas 36:20

Baha ningkara raya kau nani ba Babilon ra alki brih wan, bahara ai albika daukan, witin ai luhpia nani albika sin, Persia uplika nani ai karnika brin ba kat,

Aiseya 24:13

Baha baku kabia tasba bani ra upla nani tilara, oliv dusa yahban baku, apia kaka mâ dakban ba ningkara kau kum nakra luan ba sin kli pliki ba baku.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 4:27

Dawan aisisa: “Tasbaya aiska ba pâsa krawi lui palki baku daukamna, sakuna sut pali lika sauhki tikamna apia.

Jirimaya 5:19

Witin nani man ra mamkabi walbia: ‘Dawan wan Gâdka ba, ¿dîa muni naku pali wan daukan?’, bara man bui witin nani ra pana wis: ‘Man nani kakaira apia gâdka nani ra mayunram ba, baha baku tasbayam ra apia, sakuna upla wala tasbaya ra baha nani warkka takma.’

Isikiel 12:16

Sakuna yabrika upla kum kum war wina swakwi takbia, plun wahwan, bara siknis nani wina. Ani nisanka ra wabia sut ra, witnis aisabia yamni apia diara nani daukan ba dukiara, baku ai dahra walbia yang sika Dawan sna ba.”

Isikiel 16:54

Kuna ban swira daukaia lâka ra bapi buaia kama, bara swiram takaia daukram ba dukiara; baha wal witin nani maisa nihkra kama.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 31:16

Yang yabrika prura kingka tasbaya ra iwbia pruan nani bâra ba wal asla prawaia; witin kauhan binka ba wali tasba ra nisan nani ba tatatbia bara baha tasbaika ra tasba munhtara Eden dusa nani ba maisa nihkra brin kabia; kau painkira bara kau pain lî ni laiki lâkan nani ba sin Líbano ilka ra.

Isikiel 32:31

“King fero kaikbia ba ra, ai maisa nihkbia ai uplika pruan nani sut dukiara; kan witin bara suldiar sut war ra pruan bamna. Yang, Dawan, kasak aisisna.

Isikiel 36:20

Sakuna ani ani kuntrika ra witin nani auya ba, nini holikira ba sauhki kata, kan upla nani aisi kan: ‘Naha nani na Dawan uplika nani sa, sakuna ai kuntri wina takaia kan.’

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Miqueas 5:7

Jekob uplika nani baha aiklabanka nani tilara, pruras kau raya swin nani kabia ba lika, sim diwas laya bara lî tasba purara buski ba baku kabia, waitna lukanka wina lika apia sa.

Mark 13:20

Bara Dawan mita baha piua ba kunhku daukras kaka, upla kumi sin swaki sakan kabia apia; sakuna ai uplika nani pliki sakan ba latwanka ra kunhku daukan sa.

Kli Smalkanka 4:31

Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.