Isikiel 14:13 - DAWAN BÎLA AISKA

¹³ “Kuntri kum yang maipara saura daukbia kaka bara yang wal kasak apia kaka, yang mihti sakbamna witin nani purara klala yabaia, bara pata piaia ba dakbamni, bara witin ra plun wahwan blikamna, bara yang munrika upla nani bara daiwan nani ba pruaia.

Isikiel 14:13 ပူးပေါင်းရင်းမြစ်များ

Blasi Sturka 6:7

bara Dawan win: “Upla nani yang paskri ba, tasba mawan wina diki âpu daukamni; upla bara daiwan nani sut ai biara purara kwasi tauki ba wina, pâli tauki ba kat sin sut. ¡Yang kupi sari takan sa, witin nani ba paskri ba dukiara!”

Esdras 9:6

naku aisi: “Yang Gâdki, yang Gâdki, yang kupi turban bara swiri lâka ra sna, nahki man ra mai wiaia sapa kaikras. Yang nani saurki ailal ba laila pura luan sa, baha purkara yang nani lâ kriki banhri pâtka ba kasbrika kat ulan sa.

Aiseya 24:20

Tasba ba upla bla kum parwi baku nikban kabia, mani watla lupia baku yahbi kabia. Saurka wirhika mita kau wirha taibi kabia bara kauhbia, baha kli sip bubia apia.

Aiseya 3:1

¡Man nani pain kaiks! Karnika sut bri Dawanka ba daukbia, Jerusalem bara Juda wal ra diara sât ailal ni tâ baiki ba, plun lî sin yabi ba takaskbia.

Jirimaya 32:43

Naha kuntrika ra man aisisma upla iwras tasbaya takbia, upla nani âpu bara daiwan nani sin âpu kabia, bara Caldea uplika nani bal tasbaya dukia bribia, tasba nani kli atki bribia.

Jirimaya 36:29

Wis naku ulbaia: ‘Dawan naku aisisa: Wauhkataya ulban ba man brih angkram, bara Jirimaya ra sin lawi daukram baha ulban ba tâwan, witin ulban Babilon kingka ba balbia, bara kuntrika na sauhkbia upla kum sin âpu, daiwan kumi sin âpu kabia.

Jirimaya 52:6

Baha manka ra kati walhwal, yua 9 aimakan ba kat tawan ba plun âpu takan, upla nani plun piaia âpu kan.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 1:20

¡Dawan, kaiks yang kupi wirhika na! ¡Laima dusa na baiwaia baku daihra walisni! Kupi ra latwan pali ai taibisa, kiamapara bara mapara babura kapri ba dukiara. Latara lika aiklabaia sordka ba mita yang luhpi nani ra ikisa, bara naha bilara sin prura nâra sa.

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Isikiel 14:12

Dawan bîla yang ra balan bara ai win:

Isikiel 14:17

“Apia kaka, baha kuntrika purara war blikamna kaka, adar yamna upla nani bara daiwan nani ba sut ikaia.

Isikiel 14:19

“Apia kaka siknis blikamna baha kuntrika ra, bara kupi baiwan ra prura mâ ba bahara mangkamna, upla nani bara daiwan nani sin pruaia,

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 15:8

Bara kuntrikam ba bîla man, upla iwras tasbaya daukamna, kan yang wal kasak lâka luha kan bamna. Yang, Dawan, kasak aisisna.”

Isikiel 20:27

“Bara man, upla luhpia, Israel luhpia nani ra wis: ‘Naku wisa Dawan ba: Man nani aisikam nani sin kupi sauhkan; yang wal kasak apia kan.

Isikiel 25:13

Baha mita, yang Dawan sna ba, aisisni: Mihti bukamna Edom ra klala yabaia, uplika nani bara daiwra nani ba sauhki tikaia. Sauhki tikan tara ra swimna. Temán wina Dedán kat, uplika nani ba sord malika ra prubia.

Isikiel 4:16

Baha ningkara ai win: “Yang daukisna Jerusalem ra plun ailal âpu kaia. Plun ba wiria baman yabi kabia, bara upla nani ba sarikira baha pi kabia, bara lî ba sin watla sirpi ra di kabia, sibrinkira pali.

Isikiel 5:16

Yang bui witin nani purara plun wahwan saura blikamna, trisbaya sibrinkira sauhki tiki ba baku. Âu, ban daukamna man nani puramra sauhki tikaia lâka ba bri balaia, plun wahwan ba bara plun tiwan ba sin.

Isikiel 6:14

Bara yang mihti sakbamni witin nani mapara klala yabaia, upla iwi tasbaya nani ba waupasa tani wina Riblá yahbra tani kat, kuntrika ba upla iwras tasbaya sibrin wan daukaia tasbaya daukamni. Bâra mika tânka bri banhbia yang sika Dawan sna ba.”

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Libait Lâka 26:26

“Yang bui man nani patam ba sauhkamna, bara mairin matawalsip bal brit angkaika kumi ra brit angkbia, plun ba wiria baman kabia bara man nani pi banhma, kuna âmyapah pima apia.