Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”
‘Yang, Dawan, karnika sut brisna ba, aisisna: War witin nani ra blikaisna, sanglang, siknis sin. Kwah mâ sukwan saura pali, piaia sip apia kata ba baku daukaisna.
Israel luhpia nani ba yang laima wina kli taki waia apia, saurka lâka bara kli tâski takaia apia dukiara. Witin nani ba yang upliki nani kabia, bara yang lika witin nani Gâdka kamni. Yang, Dawan, kasak aisisna.”
“Kuntri kum yang maipara saura daukbia kaka bara yang wal kasak apia kaka, yang mihti sakbamna witin nani purara klala yabaia, bara pata piaia ba dakbamni, bara witin ra plun wahwan blikamna, bara yang munrika upla nani bara daiwan nani ba pruaia.
