Isikiel 13:18 - DAWAN BÎLA AISKA

¹⁸ Witin nani ra wis: ‘Naha Dawan aisisa: ¡Alai kabia man nani mampara, upla watla ra pliki tauki banhwisma ba; kunin munaia mihta wilkaika kwalka nani sipi ba, bara tasba aiska uplika nani baha bangkil ba ai mihta ra mangkisa, bara lal pura bikaika kwala sipi ba bara upla sut ai lal ra mangkisa! ¿Man nani lukisma ki upliki nani rayaka ba, prubia ba baha karnika ba alki briaia brin mai dauki ba natka kat?

Isikiel 13:18 ပူးပေါင်းရင်းမြစ်များ

Sins Lâka 6:26

Ur mairin ba, plun bîla kumi ninara wîsa, sakuna upla maya lâka sasauhkra ba, waitna kulkanka bri ba ninara wîsa.

Jirimaya 4:10

Bara yang wîri: “¡Alai, Dawan, nahki man Jerusalem uplika nani ra baku kunin munram! Kupia kumi lâka man bui witin nani ra yabaia wiram, sakuna witin nani skiru kum lika ai nana ra mangkan sa.”

Jirimaya 6:14

Upliki nani insauhkanka nani ba taya purara ba baman kaikisa; aisisa diara sut ba pain baman sa, kuna kasakka ba sut saura man sa.

Isikiel 13:10

“Âu, witin nani upliki ra kunin munan, diara sut ba pain auya sa win; bara kasakka ba lika baku apia kan, sim upla kum kutbanka kum bukaia kuna kasak wal apia, bara ningkara kal wal paski ba baku sa.

Isikiel 13:16

Israel prapitka nani Jerusalem dukiara kunin smalki nani ba, bara diara tânka kaiki nani ba kupia kumi lâka ra aisi kan, sakuna kasak pali ba lika baku apia kan.’ Yang, Dawan, kasak aisisna.

Isikiel 13:20

Baha mita, yang Dawan sna ba, aisisni: Yang wilkaika aihkakira man nani daukisma ba, param waihli takisna, baha wal sika upla ra alkisma daiwan piawira ra baku. Yang pri sakamna, man nani karnikam wina baha uplika nani ra; bara yarka pri lâka ra pâlbia.

Isikiel 13:21

Pri sakamni upliki nani ra, man nani karnikam wina bara lamla bikaika mai mangkan ba wina, bara kli lika alkma apia. Bahara man nani damra walma yang sika Dawan sna ba.

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.