Isikiel 13:13 - DAWAN BÎLA AISKA

¹³ Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Isikiel 13:13 ပူးပေါင်းရင်းမြစ်များ

Job 38:22

¿Auhbaia pliska ba pat wih kaikatma ki, sno bara lî klaswan mâ nani auhbi swin ba,

Job 38:23

pât piua ra aiklabanka nani bara war nani piua ra blikaia?

Lawana Nani 105:32

Lî auhaia watlika ra ais ni blikan, bara pauta aswan kuntri ba purara balan.

Lawana Nani 107:25

Dawan aisin ba wali, pâsa tara pali buan, baha rip tara tilwi kata kabu tara aiska bilara;

Lawana Nani 148:8

Imyula bara lî mâ klaswan, ais kauhla baman, mukus sin. Pâsa saura, ai bîla kat wali dauki ba.

Aiseya 30:30

Bara Dawan ai kulkanka tara bri ba yaka upla nani walbia, ai klahkla karnika ba marikbia ai kupia baiwanka ra dauki ba mita, pauta buki klauhanka âpu wan tiki ba baku, alhkablakat, pâsa karna lî auhi ba, ais kauhi ba baku.

Jirimaya 23:19

Dawan kupia baiwanka ba pâsa karna krawi baku sa, prari payaska kum krawi ba baku sa bara watawikira nani purara wauhisa.

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Isikiel 1:4

Baha ningkara kaikri, yahbra wina prari, pâsa karnakira kum aula kan; bara kasbrika tara kum wina pauta klauhan kum taki kan imyula baku. Bara ai kaina kir ba ingni tara dingki bri kata. Pauta klauhi ba lilapas ra bras ingni tara bri ba bâk klauhi kata,

Isikiel 13:12

Bara kutbanka ba kauhbia bara man nani ra mamkabi walbia: ‘¿Kal ni paskata ba dîa takan?’

Libait Lâka 26:28

yang sin man nani mampara kamna bara kupi baiwanka ra kli klala 7 wala maikamni saura daukisma ba luki.

Jona 1:4

Sakuna Dawan pâsa karna pali kum blikan, kabu ra pâsa saura pali buan duri ba kriki tikaia praiska kat.

Hageo 2:17

Namsla ra pata mâ nani purara ba sikniska, lî kauhla klaswi auhi ba ni sauhkri, sakuna man nani bui yang ai plikras. Yang, Dawan, kasak aisisna.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.

Param Marikanka 8:7

Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.