Isikiel 11:5 - DAWAN BÎLA AISKA

⁵ Bara Dawan spiritka ba yang ra ai diman, bara ai win yang aisamna: “Naha Dawan aisisa: ‘Israel luhpia nani, baha sika man nani lukisma ba. Lukankam ba yang kakaira sna.

Isikiel 11:5 ပူးပေါင်းရင်းမြစ်များ

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Lawana Nani 7:9

Gâd kasakkira, lukanka nani ba laki kaikisma, ai dara walanka tihu pali ba sin, ¡watawikira nani saurka dauki ba yas takaskbia, sakuna upla lukanka pain ba swirka bâra ban kabia!

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 58:1

Dawan bui ai win: “Sibrin âpu karnikam aiska ni wins, dîa wiaia sma ba alki takaskpara, trumpit baku bîlam baikra buks, bara yang upliki nani ra param wis witin nani maipara buan ba, bara Jekob watla uplika nani ra sin wis saura daukan ba dukiara.

Jirimaya 11:20

Sakuna Dawan, man lika karnika sut brisma ba, man ba wihta kasak kum sma; upla kupia lukanka kat dîa luki ba sut kaikisma ba. Aik kaikamna man baha uplika nani ra nahki klala yabaisma ba, yang ra diara nani takaia ba man mihtam ra swiri bamna.

Jirimaya 16:17

Daukankam nani sut kaikisna; diara kumi sin yang wini yukuwan ra âpu sa, saura nani daukisma ba yukuwan ra apia sa kaikisna.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Isikiel 2:2

Baha bîla baikra ai aisi kata ba ra, Dawan karnika ba yang ra balan, bara yang ra ai bukan. Bara ai aisan bîla ba walri.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Isikiel 20:32

Man nani lamla ra diman, nisan wala nani tasba ra ba baku kaia, dus ra bara walpa ra mayuni ba, kuna baku kabia apia.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 3:11

Was, uplikam nani ra tasba wala ra brih wan bâra ba kaiks, witin nani man ra walbia sapa bara walras kabia sin, witin nani ra wis: ‘Naha Dawan aisisa.’ ”

Isikiel 3:24

Bara Gâd karnika ba yang ra diman bara mini ra aibapan. Ningkara Dawan ba yang ra naha natka ra ai aisin: “Dims, bara durkam praks wamtla bilara.

Isikiel 3:27

Sakuna yang sturi kum mai wiaia want sna piua ra, yang kli maikrika sturi aisama, bara ningkara man wima: ‘Dawan ba naha aisisa.’ Ya walan dauki ba walbia, sakuna ya walan daukras ba sin walras kabia, kan tawan kum mapara babura nani sa.

Isikiel 8:1

Baha manka ra, kati matlalkahbi, yu matsip katka ra, yang waitla ra Juda wina almukka nani aikuki iwi katna ba ra, bahara Dawan ai mihta ba yang purira kahban,

Mark 2:8

Sakuna Jisas pat kaikan baha nani ai kupia ra luki kan ba, bara makabi walan: —¿Man nani dîa kan baku lukisma ki?

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 10:44

Pita kau aisi kan ba ra, Spirit Holikira bal iwan baha nani witin ra wali nani kan ba sut ra.

Apastil Nani Sturka 11:15

Yang mahka aisari ba ra, Spirit Holikira witin nani sut purara bal iwan, sim tâ pali piua ra yang nani purira bal iwata ba baku.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Jems 3:6

Bara wan twisa ba pauta klauhan kum baku sa. Wan twisa wan wîna tara ra mangkan ba lika, watawan lâka ni aibanhwan pali sa; bara wan wîna aiska sauhkisa. Hil pauta pali ba mukan sa, bara baha mita wan rayaka aiska mukisa.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 10:10

Baha ningkara, Saúl ai albika wal Guibeá ra wan, bara prapit nani dakni kum spirit diman ai mapa ra aula kan witin wal prawaia. Bara Gâd spiritka ba Saúl ra sin diman bara witin sin baha nani baku tilara mahka dahra aisin.

1 Samuil 10:6

Bara Dawan spiritka karnika man ra maikbia, man sin Gâd dahra aisama bara upla sât wala sin takma.