Isikiel 11:17 - DAWAN BÎLA AISKA

¹⁷ Baku sin wis: ‘Dawan ba naku wisa: Yang mita yabrika kli tawi balbia, baha kuntrika bara nisanka nani anira yakabi kir lakri ba wina, bara asla daukamni bara Israel kuntrika ba maikamni.

Isikiel 11:17 ပူးပေါင်းရင်းမြစ်များ

Lawana Nani 107:3

Witin nani ba asla daukan yahbra, waupasa, lalma, bara muna tani kuntrika nani ba wina.

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Jirimaya 24:5

“Yang, Dawan Israel Gâdka, mai wisna: Kwah mâ pain ba baku Juda uplika nani ra kaikamna, witin nani Caldea uplika nani tasbaya ra blikri ba, naikra ra yamni kaiki kamna,

Jirimaya 24:6

yang bui witin nani ba main kaiki kamna, bara kli ai kuntrika tani ra waia daukamni, witin nani diara ailal briaia daukamna tawi waia daukamni, witin nani ba kli slingbamna apia; mangkamna, sakuna kli daikamna apia.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 29:10

“Dawan aisisa: ‘Babilon ra 70 mani piua yari ba lubia ba ra, yang bui man nani ra pramis mai munri ba daukamna man nani ra yamni lukri ba baku tasbayam ra kli mai brih waia.

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Jirimaya 30:18

Dawan aisisa: “Jekob nisanka tasbaya ba kli yabamna, ai kuntrika ba ra luki kupi swapni takbia; tawan nani slingwanka ba purara kli paskbia, utla tara nani ba watlika kat mâkbia.

Jirimaya 31:16

Sakuna Dawan bila wisa: “Raquel, kau inpara; kau namkra laya sâkpara, kan latwankam mana prisant brima: luhpiam nani kli waihla tasbaya wina balan kabia. Yang, Dawan, kasak aisisna.

Isikiel 20:34

Yang sut asla daukamna tawan bara nisan nani tilara yakaban ba wina; karniki tara ba mangki bara kupi baiwanka wal klala yabri ba.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 20:42

‘Bara maikrika man nani Israel ra dimma, baha kuntrika pramis munri kan ba almukkam nani ra; bara man nani damra walma yang sika Dawan sna ba.

Isikiel 28:25

“Yang Dawan sna ba, naku wisni: Asla daukamna Israel ba, nisan nani tilara yakabrira ba wina; bara marikamni holikira sna lâka ba, nisan nani nakra ra. Israel klauna ai kuntrika ra iwbia, baha kuntrika Jekob, duki dadaukra ra yabatna ba.

Isikiel 34:11

“Yang Dawan sna ba, naku wisni: Yang pali mihti ra brimna sîpki nani daknika ba main kaikaia.

Isikiel 34:13

Kuntri tringsar ba wina sakamna, asla daukamna bara brih wamna klauna ai tasbaya ra. Brih wamna Israel untika ra piaia, bara lî kârma nani bâk, bara kuntri ra upla bâra pliska nani bâk.

Isikiel 36:24

Yang mai sakamna baha kuntrika bara nisanka tila ba wina; asla daukamna bara yabrika ai tasbaya ra kli balbia.

Sakaraya 8:7

Yang bui upliki nani ba pri daukamni, lalma kuntrika, muna kuntrika uplika nani karnika ba wina,

Kli Smalkanka 30:3

Baku bamna, Dawan mita man nani ra umpira mai kaiki alba ra kapram ba wina kli mai bri balbia. Dawan mita upla nani tilara lulki mai swin kan ba,