Isikiel 11:16 - DAWAN BÎLA AISKA

¹⁶ Baku mita, wis: ‘Naku wisa Dawan ba: Yang mita kangbi sakri, bara tasbaya aiska ra yakabi kir lakri, kuntri tringsar nani tilara, sakuna naha sât na piua kunhku baman kabia. Nahara yang sika, witin nani kutbanka painkira kum kamna ani tasbaya ra wabia sut ra.’

Isikiel 11:16 ပူးပေါင်းရင်းမြစ်များ

Lawana Nani 31:20

Man bâra sma ba kan kahbanka wal, watawikira nani mita saura munaia luki ai lâka nani dauki ba wina pri sakisma; waihla nani mita waihla kulki swira paski ba, wina, wamtla bahna munhtara yukuki brisma.

Lawana Nani 44:11

Sîp nani baku, sîp âikra nani mihta ra wan mangkram; idan nani tilara sin wan yakabram.

Lawana Nani 90:1

Dawan, kan wina man wan yukuwaika watla ban sma, piua nani sut tilara.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 4:5

Bara Dawan naku daukbia, Saion ilka aiska ba purara witin nani bahara asla taki nani ba purara sin, Dawan ba daukbia kakna ra kasbrika tihmu tara kum, tihmia ra pauta lakni ingnika ba bara pauta buki klauhanka ba wal. Baha sut purkika ra Dawan prana ba bâra kabia,

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Jirimaya 26:11

Bara prîs nani bara prapit nani ba mita wihta nani ra bara upla nani ra sin win: “Naha waitnika na pruaia pâtka ra lakaia sa, kan naha tawanka mapara aisin bamna. Aisin ba man nani kiamam ni walram.”

Jirimaya 26:7

Jirimaya tempel durka ra aisin bîla nani ba, prîs nani, prapit nani, upla wala nani sin sut walan.

Jirimaya 29:11

Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna.

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Jirimaya 31:10

“Nisan nani, Dawan bîla ba wals maisa paks laih kabu un ra iwi nani ra: ‘Dawan ba Israel ra yakabi aihka sakan, sakuna asla daukan kabia bara main kaikan kabia, sepad ai sîpka main kaiki baku.’

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Libait Lâka 26:44

“Baha mai wîri ba sut tilara, waihlam nani tasbaya ra kama ba ra, aiska pali saura mai kaiki, ban pali mai kulki swimna apia. Âpu pali mai daukamna apia, damikam nani wal lâ daukri, Jekob wal lâ daukri ba luki kamna, kan yang sika ai Dawan Gâdka.

Sakaraya 2:6

Dawan kasak aisisa: “Yang mita sika tasba tâ walhwal kat mai kangbri waram, kuna nanara mai wisni: ¡Yahbra tasbaya wina mahka plapi taks!

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.