Isikiel 11:10 - DAWAN BÎLA AISKA

¹⁰ Sord malka ra pruma. Yang bui Israel tasbaya piarkika ra lâmka daukamna, bara damra walma yang sika Dawan sna ba.

Isikiel 11:10 ပူးပေါင်းရင်းမြစ်များ

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

2 King Nani 14:25

Jeroboam mita sika Israel piarkika nani ba kli bapan, Hamat ra dimi waia ba wina Arabá kabuka ba kat, dîa Dawan Israel Gâdka aisan kan ba kat, ai napakan Jona bâk, witinka ba Amitai luhpia waitna, witinka ba prapit Gat-héfer wina kata ba.

Lawana Nani 9:16

Dawan witin bui ai tânka mairikan: ¡lâ wapni ba aisi daukan! Watawikira ba silak ra aimakisa, witin mita paski kahbi swin ba iliska ra.

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Isikiel 13:14

Bara baha kutbanka man nani mita pihni daukram ba batakamna; tasba kat yakabamna, bara playka tara nani ba param sakan kabia. Âu, tnaya kutbanka ba mâyara bal iwbia, bara baha kriwanka nani tilara man nani pruma. Bamna yang Dawan sna ba man nani bâra kaikma.

Isikiel 13:21

Pri sakamni upliki nani ra, man nani karnikam wina bara lamla bikaika mai mangkan ba wina, bara kli lika alkma apia. Bahara man nani damra walma yang sika Dawan sna ba.

Isikiel 13:23

Baha mita man nani kli diara lilka kunin kaikaia tânka kaikma apia, dahra kunin aisaia tânka sin brima apia. Yang upliki nani ba swaki sakamna man nani karnikam wina, bara damra walma yang sika Dawan sna ba.’ ”

Isikiel 13:9

Yang mihti ba bukamna klala yabaia, prapit nani diara bahki nani kaiki bara kunin man smalki nani mapara; tawanki asla takanka ra âpu kabia; nina sin ulban kabia apia, Israel watla uplika wauhtaika ra, Israel tasbaya ra sin tawbia apia. Bara damra walma yang sika Dawan sna ba.’

Isikiel 6:7

Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Jasua 13:5

Purkara guiblita nani tasbaya takaskan ba, Líbano lalma tani sin, Baal-gad, Hermón ilka playa kat, ban Hamat dimaika kat.