Isikiel 10:6 - DAWAN BÎLA AISKA

⁶ Baku bamna, waitnika linin kwalka dimi ba ra adar yaban: “Pauta ba bris wilwaika tilara ba wina, baha kirubin lilka tila ba wina.” Bara witin diman bara wilwaika lama kat buan.

Isikiel 10:6 ပူးပေါင်းရင်းမြစ်များ

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Lawana Nani 99:1

¡Dawan ba king sa! ¡Witin ai iwaika ba kirubin nani purara brisa! Nisan nani ba tatatwi kabia, tasba aiska ba sin.

Isikiel 10:2

Bara waitnika linin kwalka prâka dimi kan ba ra aisan, bara win: “Wagin wilwaika nani untika ba ra dims, rayaka bri nani ba tnawa munhtara, masku aswan nani yukukan bâra ba wina mihtam kum bris baha ai rayaka bri tnawa nani ba lilapas wina, bara tawan ba purara yakas.” Bara kaikri nahki waitna ba diman kan.

Isikiel 10:5

Baha rayaka bri nani tnawa binka ba, baha kutbanka lila ba kat wali kata, Gâd, karnika sut bri ba aisi ba binka baku kan.

Isikiel 10:7

Kirubin nani lilka tnawa mununhtara waitna mihta kum baku kaikata. Witin nani wina kum ai mihta sakban, pauta klauhan lilapas ra kan ba ra, baha wina brin bara baha linin kwalka dimi kan ba mihta ra mangkan, baha ba brisata bara mahka wan.

Daniel 7:9

“Ban kaiki kapri, king iwaika nani bri si mangki swin ba kat, bara almuk kumi wih iwan. Ai prâka ba wahmuk pinhka baku kan, ai tâwa ba sîp taya tâski âpu ba baku kan, ai king iwaika bara wilwaika ba pauta klauhan ba baku kan,