Isikiel 1:28 - DAWAN BÎLA AISKA

²⁸ sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Isikiel 1:28 ပူးပေါင်းရင်းမြစ်များ

Blasi Sturka 17:3

Bara Ebram ai mawan ra tasba kat prawan, bara Dawan bui witin ra kau ban aisi, win:

Impakan Sturka 16:10

Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan.

Impakan Sturka 16:7

bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?

Impakan Sturka 24:16

Dawan prana ba Sainai ilka pura kat bal iwi takaskan, bara 6 yua ba kasbrika mita il ba pura biki bri kan. Bara 7 yua ba kat Dawan mita Moses ra winan kasbrika tila ba wina.

Impakan Sturka 24:17

Bara il banhta pali ba kat Dawan prana ba, Israel luhpia nani nakra ra latan takan, pauta lakni diara sauhki tatikra buki klauhi ba baku.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 3:23

Bara yang bui twi ra taki wari bara bahara Dawan prana ba kaikri, baha prana ba Quebar awala un ra kata baku; bara maiwanra wih tasba kat bawatni.

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Isikiel 44:4

Ningkara waitnika ba ai brih wan yahbra tani ra dimaika bâk, tempel ba mawanra. Kaikri Dawan prana ba tempel ba banhwan kata, bara bawri maiwan ba tasba kangbaia kat.

Isikiel 8:4

Israel Gâdka prana ba, bahara kan sim yang twi ra yaprisauhkan ra kaikatna baku.

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Apastil Nani Sturka 9:4

Bamna Saulo tasba kat kauhan, bara bîla baikra kumi walan witin ra naku aisi kan: “Saulo, Saulo, ¿dîa kan man rau ai sauhkisma ki?”

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

Param Marikanka 10:1

Bara insal karnakira wala kum, kasbrika pura ba wina bal iwuya kan kaikri. Witin ba kasbrika kum ni dingkan kan, bara ai lal purara kumadura kum bri kan; ai mawan ba wan yu lapta baku ingwi kan, bara ai kuhma nani ba lika pauta lakni playa nani baku kan.

Param Marikanka 4:3

Iwi kan ba lika jasper walpaya ingnikira, apia kaka karnilian walpaya baku kan; kingka iwaika ba kir kumadura kum bâra kan, bara baha ba lika esmeralt walpaya ingnika baku ingwi kan.

Wihta Nani 13:20

Pauta klauhan ba altar wina purara ulan ba ra, Manoa kaikan Dawan insalka ba pauta klauhan ba bîla wina taki kasbrika purara uli wan. Bara witin nani ai mawan tasba kat kauhan.