Inanka Nani 5:7 - DAWAN BÎLA AISKA

⁷ Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Inanka Nani 5:7 ပူးပေါင်းရင်းမြစ်များ

Blasi Sturka 42:13

Witin nani kli pana aisin: —Dukiam dadaukra nani, yang nani muihki nani 12 banhwisna, aisa kumi luhpia nani, Kenan ra iwi banhwisna. Muihki sut sirpika ba lika, papiki wal utla ra takaskisa, bara kau wala kum sa, baha lika yang nani tilira âpu sa.

Blasi Sturka 42:36

Bara Jekob ai luhpia nani ra win: —Man nani bui luhpi nani sut âpu dauki yang yakan ai swiaisma. Josep nâra yawan aikuki wan tilara âpu sa, Simian sin, ¿bara nanara luhpi Benjamín sin mihti dakbaia lukisma? ¡Bara wirhika kau tara ba yang purira piua bani kahbisma!

Job 7:21

¿Saurki ba ban sip swih tikras sma ki? ¿Watawi daukri ba sip pâtki swih tikras sma ki? Pat pali tasba yamhpuska tilara prawi kamna; ai plikma ba ra, âpu kamna.

Job 7:8

Upla kumi sin kli ai kaikbia apia; namkra ba yang kat mangki ai kaiks, bara yang kau ban raya kamna apia.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Jirimaya 14:20

Dawan, yang nani daira wali banhwisna watawi daukri ba dukiara, baku sin yang nani damiki nani pâtkira takan ba sin; man mampara saura dauki banhri.

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 31:15

Dawan ba wisa: “Bîla baikra kum walisa Ramá ra, upla kum inisa sari pali. Baha Raquel inisa, ai luhpia nani dukiara, maisa nihkaia brin daukras, kan pat prui banhwan bamna.”

Jirimaya 31:29

“Baha piua ra kli aisabia apia: ‘Aisa nani wain mâ swahni pîsa bara luhpia nani napa sriman sa.’

Isikiel 16:58

Nanara saura daukram tâwan, klala maikuya ba bapi buaia kama. Yang, Dawan, kasak aisisna.

Isikiel 18:2

“¿Dîa muni Israel ra aisanka kum ba ban aisisa, naku wi ba: ‘Aisika bara yaptika nani ba wain swahni pîsa, bara luhpia nani ba napa srimisa’?

Sakaraya 1:5

¿Sakuna nanara damikam nani kata ba anira sa? Witin nani prapit nani ba sut pat pruan sa, ¿ban apia?

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.