Inanka Nani 5:5 - DAWAN BÎLA AISKA

⁵ Wark bîpka dusa ba, yang nani naina ra mangkan sa; yang nani swapisna, sakuna ris briaia piua aikras sa.

Inanka Nani 5:5 ပူးပေါင်းရင်းမြစ်များ

Jirimaya 27:2

bara witin ra win: “Bîp lal ra mangki dusa ba kum paski awa wilki bara namna ra pams.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 28:14

Kan yang, Dawan, karnika sut brisna ba, Israel Gâdka, mai wisna: Nisan nani sut nana ra baha lal ra mangkaika dusa ba ayan ni paski mangkri, witin nani Nabucodonosor Babilon kingka warkka daukaia. Daiwan wail nani sin witin ai karnika bri ba lâka munhtara swiri sa.”

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Inanka Nani 1:14

Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Inanka Nani 1:3

Pât nani wahwi wark karna taki taibi ba purkara, Juda ba priski brih wan nanara bahara pât wahwisa. Kainara tawan tilara king aimaki kata ba, nanara ai riska pliska sakras sa. Ai nina bliki nani kan ba mita, aiska prak alki brin sa, bara taiban lâka ra mangkan sa.

Inanka Nani 4:19

Waihla nani wan nina bliki ba, kanra isti sa yakal tara purara pâli tauki ba wal; wan nina blikisa il nani tilara, ¡bara wan alkaia wisi wan kainara takaski wan bîla kaikisa!

Miqueas 2:3

Baha mita Dawan aisisa: “Yang sin man nani mampara diara kum daukaia sna, mai sauhki mai tikaia pâtka blikamna, bara man nani baha pâtka wina sip swak takma apia. Man nani pât ra kama, mamyuni lilia wapi tauki kama apia, piua ba man nani mampara saura pali kabia bamna.

Matiu 11:29

Twilkaika puramra sunisna ba man nani bris, bara yang wina lan taks, kan yang lika praut âpu, kupi sin bawikira sna; baku lika man nani riskam brima.

Apastil Nani Sturka 15:10

Bara nanara, ¿dîa kan man nani lika Gâd diara daukan ba mapara aihka lukisma, ban naha lalukra nani ra yarka karban wirha twilkaia munisma, baha karbanka yawan bara wan damika nani sin sip twilkras kan ba?

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.