Inanka Nani 4:7 - DAWAN BÎLA AISKA

⁷ Ai wihtka tara nani lika kanra sunu kan, pura wina lî auhi ba wal, baku sin kanra pihni kan tiala laya ba wal; ai wîna tara ba kanra pauni kan silbiara taya paunka ba wal, ai prana ba kanra ingni kan, walpa pranakira ba wal.

Inanka Nani 4:7 ပူးပေါင်းရင်းမြစ်များ

Job 28:16

Gul kau manakira pali ba ni sin sip aibapras sa, walpa klauhi bara yaspir walpaya ni sin apia.

Job 28:18

Sins lâka ba kau manakira sa, lilura walpaya manakira nani ba wal, walpa nina krisulait ba sin, baku sin sita nakra nani wal kau manakira sa.

Lawana Nani 144:12

Wan luhpia waitna nani ba pâwisa giadin ra mangkan pain pâwi ba baku; wan luhpia mairin nani ba lika tempel playka karbi paskan ba baku sa, tempel tâ baiki alki buki bri bûi ba baku.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Impakan Sturka 24:10

Bahara witin nani Israel Gâdka ba kaikan, bara ai mina tani ra diara ingni kum bûi kan, sapair walpaya ni paski palkan baku kan, bara ingni kan kasbrika ingnika baku.

Yamni Kulki Lawana 5:10

Waitniki laitwankira ba, taya sai, tâwa pauni sa, waitna tausin nani tilara, witin ba sip tiwras sa.

Yamni Kulki Lawana 5:15

Ai kuhma nani ba, sin walpa pihni painkira playka nani baku sa, gul painkira plamaika nani purara bapi mangkan ba baku; wan nakra ra witin ba Líbano yalamka dusa painkira nani ba baku sa.

Daniel 1:15

Bara yu matawalsip ba luan, bara witin nani ba kau karna bara mawan sin kau pain kan, baha wahmika nani king pata pi banhwi ba wal.

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Wihta Nani 13:5

man luhpa waitna kumi brima, bara witin tâwa ba klakpara, kan baha tukta waitna ba aihka sakan kabia Dawan warkka daukaia, Nasariu baku witin baiki sâkma ba wina pat tâwa ba yari kabia Dawan mihta ra pat mangkan kabia. Witin sika Israel luhpia nani ba filisteo nani mihta wina dakbi pri sakaia ba.”

Wihta Nani 13:7

Sakuna witin bui yang ra ai win ba sika, yang luhpa waitna kum brimna, baha mita nanara wina wain karna dimna apia, laya karna wala nani sâtka sin dimna apia, plun saura kulkan pata nani ba sin pimna apia, kan tukta ba Dawan warkka daukaia baman kabia nasariu baku. Tâwa sin klakamna apia, kan kau aisubi takras wina pat tâwa yari kabia, bara baha sin klakaia apia ban kabia witin prubia ba kat.”

Wihta Nani 16:17

baku ba ra witin ban ai dahra yukuki kan ba saki, Dalila ra win: —Yang sika tâiwa na upla kau klakras pali aihwa sa, yaptiki kau ai baikras kan Dawan ai dukia nasariu baku kaia pat ai sakan kan. Witin nani tâiwa na klakbia kaka, yang karniki ba sut wîni wina taki wabia, bara yang sin waitna wala nani ba baku takamna.

1 Samuil 16:12

Jesé ai luhpia ba mata blikan, bara tukta ba brih balan. Tukta pranakira kan taya ba tangni mapla baku, siknis sin âpu, mawan sin pain. Bara Dawan bila Samuil ra win: —Naha sika. Nanara bus, bara yamni muni king mangks.