Inanka Nani 4:22 - DAWAN BÎLA AISKA

²² Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Inanka Nani 4:22 ပူးပေါင်းရင်းမြစ်များ

Aiseya 40:2

man nani Jerusalem ra ba latwan kaiki aisas, witin ra wis alba kaia piua kan ba pat luan, ai saurka nani pâtka mana ba pat aibapan, ai saurka nani ba tâwan yang mihti wina klala pat aima wâl brin.”

Jirimaya 50:20

Yang, Dawan ba, kasak aisisni: Baha piua ra Israel, Juda tilara pâtka kulki saurka nani ba âpu kabia, kan yang bui witin nani pâtka swih tikamna bara raya kaia swimna.

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Isikiel 37:28

Tempelki holikira ba ban kaia ra witin nani tilara kabia ba ra, nisan wala nani ba ai dara walbia, yang bui Israel ba wahbi sakri ba, sim diara kasak sunukira baku.’ ”

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Jirimaya 33:8

Maipara saura daukan saurka tâskika ba sut âpu daukamni; watawika nani maipara daukan ba maipara buan pâtka ba sut swih tikamni.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Jirimaya 33:7

Juda uplika nani Israel luhpia nani ba kli bri balamna, bara blasi witin nani nahki pain kan ba kli baku kaia daukamna.

Jirimaya 49:10

Sakuna Isau diara bri kan ba sut yang âpu pali daukri, yukuwaika nani ba pura baikri, nanara kli sip yukuwi kabia apia. Ai luhpia nani, ai taya nani, ai lamara iwi nani ba, sut âpu daukan; upla kumi sin raya apia kan aisaia:

Isikiel 6:12

Ya laihura nani ba siknis wal prubia, ya pruras lamara ba sord malka ra prubia, ya takaskbia ba, plun wahwan wal prubia. Baku bal aimakbia kupi baiwanka ba.

Malaquía 1:3

bara Isau ra lika misbara kaikri. Isau tasbaya ilka ba twi langni kan wina, upla iwras tasbaya daukri bara ai tasbaya ba, daiwan wail nani baman dukiara yamni sa.”

Abdías 1:10

“Swiram dauki mai slingbi mai tikan lâka ba wal man puramra bâra ban kabia, man muihkam Jekob ra rausauhki ikram ba tâwan.