Inanka Nani 4:20 - DAWAN BÎLA AISKA

²⁰ Silak watla kat kauhan sa Dawan bâk sakan uplika ba, wan rayaka ra wingka puhbra yabi kan ba, king baha pali dukiara aisi kan ba. ‘‘Ai distika ra tawan nani ba tilara iwi kabia.’’

Inanka Nani 4:20 ပူးပေါင်းရင်းမြစ်များ

Isikiel 12:13

Yang iliski ba witin purara wauhi baha wal alkamni. Babilon ra brih wamni Caldea uplika nani tasbaya ra, tasba kum witin sip kaikras kabia, bara bahara witin prubia.

Jirimaya 39:5

Sakuna Caldea uplika suldiarka nani ba witin nani nina bliki, Jeriko tasbaya langnika ba kat Sedequías alkan, Riblá ra brih wan Nabucodonosor ra yaia, baha sika Hamat tasbaya ra. Bara bahara Nabucodonosor lâ daukan: Sedequías kaiki kan luhpia waitna nani ba nana dakbi ikan, Juda wihta tara nani ba sin baku ikan.

2 Samuil 19:21

Bara Abisai, Seruiá luhpia ba, naku win: —¿Simí pruaia ba aitani apia sa ki, Dawan bui bâk sakan ba kingka ra saura win ba?

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Inanka Nani 2:9

Tawan getka nani sut tasba ra baman kauhan sa, ¡waihla nani alki takaskaia kutbanka kan ba sin sut kriki tiwan sa! Ai wihta tara nani bara ai kingka nani sin idan nani tilara sa; Dawan lâka bîla nani sin âpu sa. ¡Witin nani tilara, prapit nani sin kli diara aihka nani kaikras sa Dawan wina!

2 Samuil 1:21

“¡Guilboa ilka nani, man puramra diwas laya kli kauhbia apia, lî sin auhbia apia, pruan nani langnika takram bamna! Bahara karnakira nani kan kahbaika nani baha nani ai mina ra taiban. Baha ra Saúl kan kahbaika ba siksa takan.

2 Samuil 1:14

Debit ai bîla baikra karna saki aisin: —Alai, ¿baku kan nahki man kupias taki, Dawan bui bâk saki mangkan kingka ba mapara mihtam bukram?

Isikiel 17:18

kan witin pramis daukan ba lawaska kikan bamna, wal lâ daukan kata ba kat daukras kan; pramis takan kuna sut daukras kan, bamna rayaka wal swak takbia apia.

Jirimaya 52:8

Sakuna Caldea uplika nani suldiarka nani ba king Sedequías nina blikan, bara Jeriko tasbaya langnika ba kat Sedequías ba alkan, bara Sedequías suldiarka nani ba sut witin ba swih plapan.

2 Samuil 18:3

Sakuna witin nani pana witin ra win: —Apia, king tara, man baku daukpara, wan waihla nani ba sika, yang nani plapamna sapa, apia kaka kasak prui tiwamna kaka sin, witin nani ba yang nani dukira uya lukras, sakuna king tara sma ba sika, yang nani 10,000 wal sin apia, man kau mana tara sma. Baha mita kanra yamni sa king ba tawan ra takaskaia, bara yang nani tâi baikaia aiklaklabra nani kau bliki kaia.

1 Samuil 26:16

Man daukankam ba yamni apia sa. Dawan nina ra swer takisna, man nani pruaia ba aitani sa, man nani dawankam kan kahbras kapram, Dawan bui bâk sakan kingka ba. ¡King langsika ba, laya watla ba sin lal lamara kata ba pliki kaiks, sâkma sapa!

1 Samuil 26:9

Sakuna Debit pana witin ra win: —Ikpara, kan Dawan bui bâk saki king mangkan uplika ba ya bui ikuya uplika ba, klala yaras lika swibia apia.

1 Samuil 24:10

King tara ba nâra laki kaikaia sip sa, walpa unta ra Dawan mita naiwa king ba mihti ra mangkan kan, sakuna yang bui ikaia brinki apia kan, ikras ban swiri bara ai rayaka ra kangbras. Yang kupi ra wîri, king tara ba king sa, Dawan bui bâk saki mangkan.

1 Samuil 24:6

bara ai uplika nani ra win: —¡Dawan pâtki swih tikbia, dawanki king mapara mihti bukri ba! ¡Âu, witin ba king, Dawan mita witin ra bâk sakan sa!

1 Samuil 16:6

Witin nani wan ba ra, Samuil kaikan Eliab bâra buisa, bara witin lukan: “Kasak naha waitnika sika Dawan bui bâk sakan king mangkaia ba.”

1 Samuil 12:5

—Dawan bara witin mita bâk saki mangkan kingka ba sin wâlsut witnis sa, man nani bui yang warkki daukri ba tilara man nani pâtki sakras sma —Samuil aisin. Sut aisin: —Baku sa.

1 Samuil 12:3

bara nanara man nani nâra ai brisma. Upla kum bîpka wainhka, biriku kra sin dakbi briri kaka, upla kum ra kra taibi munri, rausauhkri, kunin muni yukuki briri kaka, nanara man nani daihra sâks Dawan mawanra bara king mawanra sin, bara yang aibapamna.

Blasi Sturka 44:30

“Papiki rayaka ba sika naha tukta waitna na. Bara yang nani kli tawi wamna ba ra, muihki na yang nani wal kli waras kabia kaka,

2 Kronikas 35:25

Jirimaya lawana kum paskan witin pruanka ba dukiara kulkanka yabi, bara aiwawanra nani ra yan aiwanaia Josías raitika ra, bara naiwa kat lâwanka ba upla pruan lâwanka kulkisa, bara Israel ra kulkanka tara brisa, lawana wahbi sakan wauhkataya ra sa.

Jirimaya 52:9

Caldea uplika nani witin ba alkan bara Babilon kingka Riblá ra bâra kan, bara bahara brih wan Hamat tasbaya ra. Bahara Nabucodonosor, Sedequías mapara lâ daukan.

Daniel 4:12

Ai wahia nani ba tara pain pali kan, ai mâ ba sin ailal pali kan, upla sut ra plun dakakaia ba aitani kan. Daiwan wail nani ba ai distika ra dimi kan, ai tnawa nani ra piawira nani ai watla dauki kan, tasba aiska ai rayaka ba baha wina saki kan.

Wihta Nani 9:15

Bara kiaya dusa ba witin nani ra win: ‘Âu, man nani kasak pali aihwa yang na man nani kingkam ai mangkaia brin mai daukisa kaka, man nani sut yang distiki ra bal dimaia sma; sakuna yang na man nani kingkam aimakaia brin mai daukras kabia kaka lika, yang wina pauta klauhan buki klauhbia bara Líbano ra yalam dusa nani ba sut angki sauhkan kabia.’

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Isikiel 31:17

Witin nani sin mâya kat iwbia, witin baku, prura kingka tasbaya ra asla takbia war ra pruan nani wal. Ai distika ra iwi kan nani ba, nisan sât sât tilara yakabrira takbia.

Oseas 13:10

¿Kingkam ba nanara anira sa, tawankam nani bani ra swaki mai saki ba? ¿Tâm brabrira nani ba anira sa man nani makabatma baha nani kingkam, wihtkam nani aimaki kaia?