Inanka Nani 4:16 - DAWAN BÎLA AISKA

¹⁶ Dawan, witin pali mita witin nani na yakaban sa, bara kli sin tawi kaikbia apia; prîs nani ra kulkanka yaras kan, upla almuk nani ra sin umpira kaikras.

Inanka Nani 4:16 ပူးပေါင်းရင်းမြစ်များ

Blasi Sturka 49:7

¡Saura pali, âu, saura pali kama, man nani kupiam baiwanka saura daiwan baku ba! ¡Man nani damhra ba sut pali, yang bui Israel tasbaya aiska ra yakabamna!

2 Kronikas 36:17

Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

Lawana Nani 106:27

Ai kiamka nani sin sut yaka prubia, bara idan nisanka nani tilara, yakabrira tauki kaia.

Lawana Nani 106:44

Ban sakuna, baha nani trabil ra kan kaikan ba ra, witin baha nani inanka ba walan,

Aiseya 24:2

Bara baku takbia upla sut ra, prîs ra taki ba baku, tawan uplika ra sin, alba nani ra, dawanka ra sin, alba mairin ra, ai dawanka mairin ra sin, diara lin muni ba, diara lin taki bri ba ra sin, diara atki brih bara kli bri si atki ba ra sin, tras dimi ba ra, tras yabi ba ra sin.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 15:4

Yang naha upliki nani ra diara daukaisna ba tâka nisan nani sut tasba ra sirang tara iwaia daukamna, Manasés Ezequías lupia waitna Jerusalem kingka kan piua daukan ba tâwan.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 52:24

Suldiar nani kamandantika Nebuzaradán mita Seraías prîs tara ba sin priskan, Sofonías sin pat prîs warkka ra aimakaia kan ba witin ba sin priskan, bara kau wala nani tempel warkka dauki ba wina sin yumhpa.

Inanka Nani 2:20

Dawan, man kaiks, kainara naha sut dukia upla kumi ra sin daukras kapram ba. ¿Yapti kum ba ai luhpia swap lupia tiala ra bri ba piaia sip sa ki? ¿Prîs nani bara prapit nani ra sin, Dawan watla bîla ba kat ikaia sa ki?

Inanka Nani 2:6

Witin âimplikra baku, Dawan wal prawaia watla ra diman, bara asla takaia pliska kata ba sut sauhki tikan sa; lilia dauki yua tara nani, bara ris yua nani sin sut Dawan mita yaban âuya tiwan, bara ai kupia baiwanka laptika ba mita prîs ba bara king ba wal ra lulki swin.

Inanka Nani 5:12

Tawan wihtka tara nani ra mihta ra wilki paman sa, tawan almukka nani ra sin kulkanka yaras munisa.

Isikiel 5:10

Man nani tilamra ai luhpia papira aisika nani bâra sa, bara luhpia nani sin ai papika ra pi nani ba bâra sa. Man mampara lâ ba daukamni, bara dîa takaskbia ba plis bani ra lakamna.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 32:26

“Yang luki kaikri kan laihura yakabi swiaia, bara naha tasba lukanka wina sin diki sakaia.

Hibru Nani 8:9

Witin nani damika nani wal lâ daukri ba baku kabia apia, witinka nani mihta alki, Idsip tasbaya wina brih sakri yua ba. Witin nani wal lâ daukri ba kat kulki banhras kan, bara ba mita witin nani ba lulki swiri, Dawan baku wisa.