Inanka Nani 3:11 - DAWAN BÎLA AISKA

¹¹ Witin mita yabal wina tnaya ra ai saki, kurbi ai kalki ai munan, ¡sibrin tara ni banhki ai swin!

Inanka Nani 3:11 ပူးပေါင်းရင်းမြစ်များ

Job 16:7

Gâd mita karniki nani ba sut âpu daukan, upliki nani sut sin yang wina sakan,

Lawana Nani 143:4

Bara yang dring swapri, bara kupi ba sin tanis takan.

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Aiseya 3:26

Tawan getka nani ba, sari bribia bara inbia, bara witin nani, lulki bîla man swibia.

Jirimaya 15:3

“Yang Dawan, kasak aisisni: Klala sâtka walhwal man nani ra blikaisna: war ra mai ikbia, yul nani mita mai raskan kabia, daiwan tnawira mai pibia, bara daiwan wail nani sin mai pibia.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 32:43

Naha kuntrika ra man aisisma upla iwras tasbaya takbia, upla nani âpu bara daiwan nani sin âpu kabia, bara Caldea uplika nani bal tasbaya dukia bribia, tasba nani kli atki bribia.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Jirimaya 6:8

Jerusalem, man mita wapnika dauks, apia kaka yang kupi sauhki man wina tnaya ra tawamna, upla iwras tasbaya ra mai lakamna, upla âpu bîla man mai swimni.”

Inanka Nani 1:13

Dawan mita pura wina pauta blikan, yang dusi nani kat saura pali munan; wan mina alkaia dukia nani wapaiki nani ra mangkan, bara ai munan kli ninira tawri; bara ban ai lulki swin sa, pât wahwi kaia minit bani.

Inanka Nani 3:10

Witin ba yang maipara layan kum yukuwi ba baku sa, wingku tara ai alkaia tauki ba baku sa.

Daniel 7:23

Bara win: ‘Daiwan tara walhwalka ba sika king tasbaya walhwal naha tasba ra kabia ba, bara wala nani sut wal kau sât aihka pali sa, bara tasba aiska ba pibia, ai mina ni taibia bara sin langkbia.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Miqueas 5:8

Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Matiu 23:38

Bamna kaiks man nani wamtla ba nahki bîla man swin ba;

Param Marikanka 18:19

Ai lal nani purara yamhpus mangkan, bara ini sari taki, naku ai pura wini kan: “¡Alai, alai, tawan tara ba mapara saura pali sa! Ai yuyaka ni kabu ra slaup nani bri kan ba sut yuyakira takan; ¡bara aihni pali witin ba pat sauhki tikan sa!”