Inanka Nani 2:5 - DAWAN BÎLA AISKA

⁵ Dawan ba waihla kum baku takan sa: witin bui Israel aiska ba sauhki tikan; ai wihtka tara watla nani sut sauhki âpu tikan, ai kan kahbaika pliska nani sut batakan, bara sarka lâka, inaia lâka ba kau ailal daukan sa Juda luhpia mairin tilara.

Inanka Nani 2:5 ပူးပေါင်းရင်းမြစ်များ

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

Job 13:24

¿Dîa muni yang wina yukuwisma? ¿Dîa muni waihlam kum baku ai kulkisma ki?

Job 19:11

Ai lawanka tara ba purira brih balan sa, ai waihla kum ra baku ai munan sa.

Lawana Nani 89:40

Kutbanka sut ba sauhki tikram; ¡ai tawanka nani ba sut sauhki tikram!

Lawana Nani 89:41

Upla nani sut lui auya ba, dîa implikaia want ba implikisa; lamara iwi nani ba, witin ra lawaska kikisa.

Aiseya 29:2

Ariel purara pât saura nani brih balaia sna, bara ini yahwi mamna lulkanka nani man kabia bara yang maipara Ariel ba masku aswi baku kabia.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Jirimaya 21:4

“Sedequías ra wis Dawan, Israel Gâdka ba aisisa: ‘Yang daukaisna tawan kutbanka lata tani ra, man nani daknikam Babilon nani Caldea uplika nani mapara aiklabi ba kli ai ninara tawaia, bara baha nani sut tawan lila kat asla daukamna.

Jirimaya 30:14

Lilam nani ai âuya mai tikan; man ra luki kli trabil takras. Yang bui man ra klala maikri, yang na man waihlam baku, klala karna pali maikri watawi lâka ailal daukram ba tâwan, saurkam nani kulki sakaia sip âpu ba tâwan.

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Isikiel 2:10

Mihta ba, yang maiwanra ilingkan kan, bara kaikri ulban kan, tani aiska ba: bahara ai bîla saki inanka nani, latwan tara baman kan.

1 Samuil 28:16

Samuil pana win: —¿Dîa muni yang ra makabi walisma, Dawan pat lulki mai swin, nanara witin lika man waihlam takan ba?