Inanka Nani 2:3 - DAWAN BÎLA AISKA

³ Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Inanka Nani 2:3 ပူးပေါင်းရင်းမြစ်များ

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

Job 16:15

Sari lâka ni aibanhri sa, krukus kwalka ni dimri, bara tasba yamhpuska ra yang laila dingkri.

Lawana Nani 132:17

Bahara yabrika, Debit karnika kum pâwi takbia. Lamp kumi pat ridi daukri sa, king pliki sakri ba dukiara.

Lawana Nani 74:11

¿Dîa kan man mihtam karnakira yukukisma ki? ¿Dîa kan mihtam nani ba kruski brisma ki?

Lawana Nani 75:10

kan witin mita sika watawikira nani ba witin baman sa baku luki nani ba sut sauhki tikbia, bara upla pain nani karnika ba, kau karnika yabia.

Lawana Nani 75:5

man nani karnikam brisma wisi karna aisapara, aisaia sma ba ra upla ra saura aisapara.”

Lawana Nani 79:5

Man Dawan, ¿ahkia kat kau lawi kama? ¿Ban kau lawi kama pauta klauhi ba baku?

Lawana Nani 89:24

Laitwanka lâka bui kasakki lâka ba witin kulkbia, bara ai karnika ba pura praki yabamni.

Lawana Nani 89:46

Man Dawan, ¿ahkia kat ban yukuwi kama? ¿Man lawankam ba pauta klauhi ba baku ban ami kabia?

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 48:25

Dawan kasak aisisa: “Moab karnika ba krikan, karnika ba slingban.”

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 1:13

Dawan mita pura wina pauta blikan, yang dusi nani kat saura pali munan; wan mina alkaia dukia nani wapaiki nani ra mangkan, bara ai munan kli ninira tawri; bara ban ai lulki swin sa, pât wahwi kaia minit bani.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 13:13

Baha mita, yang Dawan sna ba, aisisni: Kupi aisawanka ba pâsa karna prari baku blikamni; kupi baiwanka ba lî wal kau purkara yarka auhbia, bara lî klaswan yuyaka walpa baku yakabamna, kupi sauhkanka ba wal sauhki tikaia dukiara.

Isikiel 7:14

“Trumpit puhbisa war ra waia paiwi; upla sut ba ridi takaia sa, sakuna upla kumi sin takras aiklabaia waia. Klala yabaisna kupi baiwanka wal Israel prautka lâka ba.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Luk 3:17

Mâ singbi sakaika ba witin ai mihta ra brisa, plawar mâ ba klin daukaia, bara taya nani ba sin sait ra sakaia. Plawar mâ nani ba ai pata watla ra auhbia, sakuna taya nani ba lika pauta ra angkbia, baha pautika ban kaia ra sip dasras ba ra.”

Kli Smalkanka 32:22

Yang kupi baiwanka ba pauta baku sa, tasba kau munhta kat sin yang kupi baiwanka ba wabia; tasba bara ai mâ nani saki ba sut ami lubia, unta pâwi takaskan ba kat pauta ami wabia.