Inanka Nani 2:17 - DAWAN BÎLA AISKA

¹⁷ Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Inanka Nani 2:17 ပူးပေါင်းရင်းမြစ်များ

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Lawana Nani 89:42

Yabram ai waihla nani ba, ai mihta buki liliakira pura lalura baku lilia brisa.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Inanka Nani 1:5

Ai waihla nani bui taibi brisa, ai lahmika nani lika pâwisa. Kan Dawan bui yan witin ra pât wahwisa, saurka nani uya daukan ba tâwan. Ai luhpia nani sut upla iwras tasbaya ra brih wan ai waihla nani mita.

Miqueas 2:3

Baha mita Dawan aisisa: “Yang sin man nani mampara diara kum daukaia sna, mai sauhki mai tikaia pâtka blikamna, bara man nani baha pâtka wina sip swak takma apia. Man nani pât ra kama, mamyuni lilia wapi tauki kama apia, piua ba man nani mampara saura pali kabia bamna.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Inanka Nani 2:8

Dawan ai kupia wal daukan Saion kutbanka painkira ba sauhki tikaia. Nahki sauhkaia ba laki kaikan ningkara, baha ba daukan tnata alkan ba kat. Tawan tnaya nani bara kutbanka nani ba, witin mita sari lâka tara ra lakan, baha nani sut ba asla kumi baku batakan.

Jirimaya 18:11

“Bamna wis, Juda uplika nani ra, Jerusalem ra iwi uplika nani ra sin, yang Dawan, witin nani ra wisna: ‘Yang luki kaikisna witin nani mapara diara daukaia; witin nani ba klala yabaia lukisna. Yabal saura ba witin nani mahka swibia; ai daukanka nani bara ai warkka saura nani ba yamni daukbia.’

Lawana Nani 38:16

Naha baman lika mamkabisni, yang kauhamna kaka, witin nani mita puri luan wisi lawana aiwanbiara.

Lawana Nani 35:24

Dawan, yang Gâdki, lâika na man dauks kasakkam lâka ba kat, bâra lika laiwaska kikbia apia.

Lawana Nani 35:26

Saura ai munan ba kaiki, lilia taki banhwi ba, yarka witin nani sut swira daukan kabia; witin nani ba kau tara sa luki ba, yarka swira daukan prâka aiska dingkan kabia.

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Jirimaya 4:28

Tasbaya ba sari man banhwan kabia, kasbrika pura ba sari mita tihmia takbia. Yang aisari, bamna kli kupi lakamna apia; yang mita daukri, bara kli ninira tawamna apia.

Inanka Nani 3:43

Man kupiam baiwanka wal wan blakram, bara yang nani nini blikram, ¡umpira sin wan kaikras wan ikram!

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

Lawana Nani 89:43

Ai sordka malira ba mihta wina sakram, bara war ra tâ baiki briras kapram.

Jirimaya 40:3

bara nanara witin aisin ba baku takan. Naha naku man nani ra takan na, man nani bui Dawan mapara saura daukram witin ai bîla wali daukras kapram ba tâka mita.

Sofonías 1:2

Dawan naha kasak aisisa: “Tasba ra diara nani bâra ba sut âpu pali daukaisna.