Inanka Nani 2:16 - DAWAN BÎLA AISKA

¹⁶ Waihlam nani sut ba, ai bîla kwâkan sa man mampara. Warbanka tilara bara saura munaia luki daukanka ra wisa: “¡Yawan bui witin ba aiska sauhki tikan sa! Naha yua sika, yawan aihwa bîla kaiki kata ba; ¡lâs kat nanara yawan kaikisa!”

Inanka Nani 2:16 ပူးပေါင်းရင်းမြစ်များ

Lawana Nani 109:2

kan baha kuninkira nani bara watawikira nani ba yang nini aisisa, baha nini ra aisi ba sin kunin sa.

Lawana Nani 112:10

Upla watawikira nani, baha kaiki ai kupia sauhkisa; witin ai karnika âpu ba mita ai napa ba arkbisa. Watawikira nani brin dauki ba, bahki ra tawbia.

Lawana Nani 124:3

raya wan langki piaia kan, witin ai lawanka tara, yang nani maipara buan ba ra.

Lawana Nani 22:13

witin nani ai bîla kwâki, layan nani plun wahwi kan ihbi baku yang ra aula.

Lawana Nani 35:16

Witin nani ai pruki latwan aikan, laiwaska sin kikan, misbara ai kaiki, ai mawan warbi laki ai kaikan.

Lawana Nani 35:21

Witin nani ai bîla tara kwâki, naku wisa: “¡Bika yang nani kaikri ba, baha sika nanara man nani kaiks!”

Lawana Nani 35:25

Swirka witin nani naku wibiara: “¡Naku sika yang nani daukaia kapri ba! ¡Nanara yawan bui witin ba aiska pali sauhkan sa!”

Lawana Nani 37:12

Upla watawikira ba ai kupia ra diara lukisa upla yamni ra saura munaia, bara ai nakra ba misbara lâka wal tawi kaikisa.

Lawana Nani 41:8

Bara witin nani wisa: “Baha aihka lasa alkan; krikri ra batakan ba, baha lika kli bukbia apia.”

Lawana Nani 56:2

Maipara bûi banhwi ba awar bani nini blikisa, rau ai sauhkaia, praut lâka ni maipara bûi nani ba ailal sa.

Lawana Nani 57:3

Witin mita, kasbrika pura ba wina ai latwanka lâka, bara ai kasakka lâka ba blîkbia. Bara swaki ai sâkbia rau ai sauhkaia nini bliki banhwi nani ba wina.

Aiseya 49:19

Man kuntrikam ba sauhki tikan sa, slingbi tikan bara bîla baman swin sa, sakuna nanara tasbayam bîla sirpi takbia kwâra tara nani bal iwbia ba mita. Mai sauhki tatikra nani ba laihura kitbi sakan kabia.

Jirimaya 26:6

bara naha tempelka ra sin Siló ra daukri ba baku daukamna. Naha tawanka na lahtuban ba patrangka kum daukamna nisan nani sut kaikbia tasba aiska ra.’ ”

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’

Jirimaya 51:34

Jerusalem, Saion tawanka ba, aisisa: “Nabucodonosor, Babilon kingka ba, yuya sirpi ai dauki ai langkan; plit kum bîla man ba baku ai dauki swin. Kabu daiwra saura tarka tara kum baku taki, ai langkan; dîa want ba kat ai âuyapah ai pin; bara tâka ba swin lulkan. ¡Babilon bui saura ai munan mana ba aibapbia! ¡Caldea uplika nani bui aibapbia, upliki nani ikan ba mana!”

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 3:46

Waihli nani sut, ai bîla kwâkisa yang nani maipara;

Isikiel 23:32

“Naku wisni, yang Dawan ba: Man sin muihkam din kapka ba dima, kâp kum tara, yahpa bara tihu, lawaska kikan bara bahki kulkan ba wal banhwan,

Isikiel 25:15

“Yang Dawan sna ba, naku wisni: filisteo nani ba pana munaia lâka daukan, ailal saura takan, ai kupia misbara tara wal; ban kaia ra ai waihla baku Israel mapara, sauhki tikaia kat brih wan.

Isikiel 25:3

Wis, Dawan ai bîla witin nani ra aisi ba walbia: ‘Man nani liliakira wini banhram, tempelki tâski dauki kan ba ra, Israel kuntrika sauhki tikan ba ra, Juda uplika nani ba upla iwras tasbaya ra brih wan.

Isikiel 25:6

‘Yang Dawan sna ba, naku wisni: Man nani, Amón uplika nani, mihtam takbi bara srutwi lilia takram; bara Israel ra bahki kulkram.

Isikiel 36:3

Bamna aitani sa, yang nini ra aisas bara wis: ‘Naku wisa Dawan ba: Tnaya sât sât wina mai yuskisa bara mai sauhkisa; nisan tringsar nani sut ba ai munhtara mai brisa, bara upla nani ba lamwaska kikisa bara bahki mai kulkisa.

Isikiel 5:15

Yang kupi baiwan ra man nani mampara lâ daukamna piua ra, klala karna pali maikamna, bara upla sut saura mai aisi lamwaska kiki kabia, kainam kir ra iwi uplika nani mawanra sin klala karna brima, bara tawan kir mai bribia ba ai tânka bribia. Yang, Dawan, baha aisari.

Oseas 8:8

¡Israel ba nisan wala mita aiska langkan! Baha nani mita witin nani ra diara kum bahki kulkisa,

Miqueas 4:11

Nanara sika nisan ailal asla takan sa, man nani mampara balaia; witin nani wisa: “¡Kaisa yawan lilia takaia Jerusalem ba aisawi tiwuya ba dukiara!”

Apastil Nani Sturka 7:54

Witin nani naha diara nani walan ba ra, ai kupia sauhkan, ai napa nani sin arkban Stiben ba mapara.