Inanka Nani 2:13 - DAWAN BÎLA AISKA

¹³ Jerusalem pranakira, ¿dîa pali wal mai wimna, dîa pali wal sip mai prakamna ki? ¿Dîa pali wal praki mai aisi maisam nihkamna ki, Saion pranakira? Mai sauhki tikanka yahpika kabu baku ba; ¿ya sip kabia baha wina mai bukaia?

Inanka Nani 2:13 ပူးပေါင်းရင်းမြစ်များ

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 8:22

¿Galaad ra sîka kum pan âpu sa ki? ¿Upla raki uplika kum bâra âpu kabia ki? ¿Dîa muni witin bui yang upliki nani ba rakras sa?

2 Samuil 5:20

Bara Debit Baal-perasim ra wan, bahara filisteo nani ra pura luan. Baha mita Debit naku win: “Dawan ba lisamra baku yang waihli nani lilapas ra aimaki, luaiki ba param daukan.” Bara baku baha pliska ba nina Baal-perasim mâkan.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Lawana Nani 60:2

Man mita sika tasba ba nikbi baikram; ¡bara nanara baiwanka nani ba praks, kan kalhwi auya sa!

2 King Nani 19:21

Naha bîla nani sika Dawan aisan ba Asiria kingka ba dukiara: “Saion tawanka ba, mairin tiara kum baku, Senaquerib, lamwaska kikisa. Man ninamra Jerusalem ba ai lal wauhisa man mahka taki auma ba ra wisi.

Jirimaya 9:18

¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Isikiel 32:31

“King fero kaikbia ba ra, ai maisa nihkbia ai uplika pruan nani sut dukiara; kan witin bara suldiar sut war ra pruan bamna. Yang, Dawan, kasak aisisna.