Inanka Nani 2:11 - DAWAN BÎLA AISKA

¹¹ Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 2:11 ပူးပေါင်းရင်းမြစ်များ

Job 16:13

Tnaya bani wina trisba ai lulkisa, wîni tara na umpira kaikras ai sabi klauhbisa, biaira sirpika nani sut tasba ra yakabisa.

Job 30:27

Yang kupi ba turban pali sa takaskras kira, bîli kaikisa sari lâka baman.

Lawana Nani 119:82

Man bîlam ba dukiara, naikra nani ba sip apia takisa, bara wisni: “¿Ahkia balma maisa nihkra aikaia?”

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Lawana Nani 31:9

Dawan, umpira ai kaiks, yang trabil saura ra sna bamna; sari ai dauki ba mita naikra sut pukwisa, wîni aiska, ¡rayaki sin swapni takisa!

Lawana Nani 38:8

Wîni aiska swapan pali sa bara karniki sin âpu; ¡yang karna inisni, kupi alki takaskaia sip apia!

Lawana Nani 6:7

Yang naikra na sari mita pukni takan sa; yang waihli nani ba tâka mita naikra pukwisa.

Lawana Nani 69:3

Yang pat kâirma prawan winan baman, bara kâirma ba latwan sa; ¡baha mita naikra nani ba sin swapan sa Gâd ra bîla kaikan man!

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Aiseya 38:14

Suki tara baku, plipli baku sin yang brukwi katni; butku baku maimna lulki kapri. Naikra nani kasbrika purara kaiki swapan. ¡Dawan, yang na ai taiban sa, man bui yang dukira pana aisas!

Aiseya 51:20

Daiwan alkaika ni sula ra alkan ba baku luhpiam nani ba karnika âpu sa, Gâd kupia baiwanka mita yabal bani ra ikan prawi banhwisa, Gâd mita wapni daukaia mata.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Inanka Nani 1:11

Upla iwi nani ba sut inisa, plun pliki wataukisa; ai yuyaka nani sut yaban sa plun mana, baku ai karnika brih raya kaia mata. ¡Dawan, kaiks, nahki kat yang aisawri ba! ¡Umpirki lâka tara brisna na, kaiki luki pan kaiks!

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:20

¡Dawan, kaiks yang kupi wirhika na! ¡Laima dusa na baiwaia baku daihra walisni! Kupi ra latwan pali ai taibisa, kiamapara bara mapara babura kapri ba dukiara. Latara lika aiklabaia sordka ba mita yang luhpi nani ra ikisa, bara naha bilara sin prura nâra sa.

Inanka Nani 5:17

Naha tâka mita, yang nani kupi ba sikniskira sa, naha nani sut tâka mita sin, yang nani naikra nani ba pukni takan sa.

Luk 23:29

Kan piua nani ba balbia ba ra, naku wibia: ‘Yamni pali sa baha mairka nani sip luhpa baikras ba, sip kwihra tiwras kan ba, bara ai luhpia ra sin tiala dakakras kan nani ba.’

1 Samuil 30:4

bara witin nani ai bîla tara inan, ban wingka prawi kan, karnika sin âpu takan.