Inanka Nani 1:6 - DAWAN BÎLA AISKA

⁶ Saion painkira ba wina, prana nani ba sut taki wan sa; ai wihtka tara nani ba, sula wainhka nani twi piaia pliki baku sa; ai karnika âpu kira, ai nina bliki nani ba tâura ai mina raski plapisa.

Inanka Nani 1:6 ပူးပေါင်းရင်းမြစ်များ

2 King Nani 19:21

Naha bîla nani sika Dawan aisan ba Asiria kingka ba dukiara: “Saion tawanka ba, mairin tiara kum baku, Senaquerib, lamwaska kikisa. Man ninamra Jerusalem ba ai lal wauhisa man mahka taki auma ba ra wisi.

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

2 King Nani 25:5

Sakuna Caldea suldiarka nani mita king Sedequías nina blikan, bara Jeriko twiya langnika kat nina bliki alkan, bara aiklaklabrika nani ba yakabrira plapi takan.

Lawana Nani 50:2

Dawan ba bui laih Saion wina ai ingnika blikisa, baha tawanka pranakira kasakkira pali ba wina.

Lawana Nani 96:9

man nani bui Dawan ra mayuns witin wal prawaia watla painkira ra. ¡Tasba aiska ba, witin ai mawanra tatatwi kabia!

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 4:5

Bara Dawan naku daukbia, Saion ilka aiska ba purara witin nani bahara asla taki nani ba purara sin, Dawan ba daukbia kakna ra kasbrika tihmu tara kum, tihmia ra pauta lakni ingnika ba bara pauta buki klauhanka ba wal. Baha sut purkika ra Dawan prana ba bâra kabia,

Jirimaya 13:18

“King ra, yaptika ra sin wis: ‘Man nani iwaikam ba wina, man nani tasba ra iws, kan man nani lamla wina kraunka pramna kata ba kauhan bamna.’

Jirimaya 29:4

Dawan, karnika sut bri ba, Israel Gâdka, witin naku aisisa, baha uplika nani sut Jerusalem wina saki Babilon ra brih wan nani ra:

Jirimaya 47:3

Aras nani plapi ba walbia, wagin nani taya binka ba wilwaika nani pruki ba binka sin, aisika nani karnika âpu takbia, ai luhpia nani ba lulki swibia.

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 52:11

Bara Sedequías lika nakra nani ba daiki priski Babilon ra brih wabia win, bara bahara witin silak ra kan pruan ba kat.

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Isikiel 24:25

‘Bara Israel uplika nani ra karnika ba dakbi sakamna, baha sika tempelka ba, prana tara ba dukiara upla ailal ai liliaka brisa kaikaia lihki ba, bara latwan kaiki ba. Baku sin luhpia waitna bara mairin ba mihta dakbamna.

Kli Smalkanka 28:25

bara waihlam nani bui mai taibia. Witin nani mapara asla taki dimi wama, sakuna aslika ba slingwi witin nani sîa yakabrira baman plapma, bara man tamka mita tasba kingka nani sut mai kaiki kabia ba sirang iwi kabia.

Kli Smalkanka 32:30

¿Nahki muni kumi ba mita 1,000 ba munan plapan? ¿Nahki muni wâl ba mita 10,000 ba yaban plapan? Kan Dawan baman witin nani kaina kakahbra ba, witin luki kaikan baha nani ba waihla mihta ra mangkaia.