Inanka Nani 1:18 - DAWAN BÎLA AISKA

¹⁸ Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Inanka Nani 1:18 ပူးပေါင်းရင်းမြစ်များ

1 King Nani 13:21

Bara Gâd prapitka Juda wina balan ba ra almuk ba bui bîla baikra karna wal naku wisata: —Man Dawan mai win ba kat daukras kapram, dîa lâka maikan ba pura luram Dawan Gâdkam adarka ba wali daukras, kapram,

Esdras 9:13

“Yang nani saura daukri ba tâka mita, diara sut ban baku takan; yang nani pât wauhri, sakuna Dawanki, man mita yang nani saura daukri ba mana aikaia praiska kat klala aikras kapram, sakuna kir laki naha pri lâka ni wankram.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Nihimaya 9:33

Âu, man lika kasak tânka ba kat daukram klin sma, pât nani sut pali yang nani purira balan ba tilara, man lâ wapni pali ba daukram, ban sakuna yang nani lika diara saura baman daukri.

Lawana Nani 107:11

Dawan adarka nani mapara buan tâka, Laih Purara iwi ba warkka nani ra bahki kulkan bamna.

Lawana Nani 119:137

Dawan, man ba kasakkira sma; bara lâ aisi daukisma ba sut kasakkira sa.

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 145:17

Dawan ai yabalka nani sut ra kasakkira sa, ai daukanka nani sut ra sin kupia pihni sa.

Impakan Sturka 9:27

Bara king fero upla blikan Moses bara Eran wal paiwan balan bara win: —Nanara kaikisna, yang saura yâri ba. Pâtkira ba yang, bara upliki nani aikuki sna, kuna Dawan lika pâtkas sa.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Jirimaya 4:17

Juda ba kir kutbia insla ra daiwan aihwaki kaiki baku, kan Dawan mapara buan ba mita. Yang, Dawan, kasak aisisna.

Jirimaya 49:12

Dawan aisisa: “Baha wala nani ba, pât wauhbia kapka ba diara ai dukia apia kan, sakuna ban din kaka, yabal wala âpu sa, bamna man klala briaia sma, man sin baha wina diaia sma.

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 3:42

Yang nani saura yâri, mampara sin buri, bara man bui wan saurka nani swih tikras kapram.

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Emus 8:13

Baha yua ra tiara painkira nani bara wahma karnakira nani ba sin, Dawan bîla walaia diranka mita, dring prui kabia.

Sofonías 3:5

Sakuna Dawan baha tawanka tara bilara sa; witin yamni baman daukisa, saura lika apia. Titan bani ai piua kat ai lâka ba bapisa, ban sakuna, saura dauki nani ba ai swira lâka ba tânka sin briras.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

Wihta Nani 1:7

Bara Adonisédec aisin: “Yang bui pat king nani 70 mihta bara mina wihtka nani ba klaki dakbri sa, bara yabri witin nani tibilki munhtara plun yuyaka nani wahbi pi kan. Sakuna nanara yang wala nani ra dîa munri ba baku, Dawan sin yang ra ai daukan.” Bara witin nani bui witin ba Jerusalem ra brih wan, bahara witin pruan.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”