Inanka Nani 1:16 - DAWAN BÎLA AISKA

¹⁶ Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:16 ပူးပေါင်းရင်းမြစ်များ

Lawana Nani 106:42

witin nani ra waihla nani ba bui ai mina ra taibi brin, bara baha nani karnika mununhtara bawan.

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Lawana Nani 69:20

Saura ai win ba mita, kupi ba sut sauhkan sa; lukanki ba swapni sakan bara karniki sin âpu takan. Bamna yang bahki man plikri upla kum, latwan ai kaiki maisi nihkbia dukiara.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Aiseya 54:11

¡Sari takan tawanka, pâsa karnikira mita sauhki tikan, upla kumi sin âpu maisa nihkaia! Yang walpayam nani ba walpa wala manakira nani purara karna daukamna, playkam nani ba sapair playka purara bapamna.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 15:5

“Jerusalem, ¿ya man nani tâmwan kupia swapni takbia ki? ¿Ya pali man nani ra umpira mai kaikbia ki? ¿Ya pali man nani wînam aiska yamni kaia dukiara mai lukbia ki?

Jirimaya 8:18

Sairka na tikaia saika âpu sa, kupi lukanka na daswuya sa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 2:18

¡Dawan ra hilpka makas, Saion tawan tara painkira! ¡Yas namkra laya ba lî aubra tara baku plapi kabia, kakna ra bara tihmia ra! ¡Inankam ba takaskpara, namkra nani inisma ba wina takaskpara!

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.