Inanka Nani 1:14 - DAWAN BÎLA AISKA

¹⁴ Saura nani daukri ba, Dawan kaikan; saurki nani ba mita ai priskan, bara bîp lal ra dus wilkan baku, yang purira wirha sa: ¡baha bui karniki sut tikisa! Dawan bui upla nani mihta ra ai mangkan sa, baha nani mapara yang buaia sip apia sni.

Inanka Nani 1:14 ပူးပေါင်းရင်းမြစ်များ

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Kli Smalkanka 28:48

Dawan bui waihlam nani man ra blîkbia ba warkka baman dauki kama. Plun wahwi kira, lî diran mai dauki, kwala luha kira kama, diara ailal âpu kama. Bara Dawan mita alba lâka karna munhtara mai swibia, sauhki mai tikbia ba kat.

Isikiel 25:7

Baku bamna mihti man nani ra bukamna klala maikaia; bara nisan nani mihta ra mai mangkrika, dîa brisma ba sut mihtam dakbia dukiara. Tawan nani tila wina mai sakamna, nisan nani tila wina mai tikamna, aiska pali mai sauhkamna. Baku damra walma yang sika Dawan sna ba.’

Isikiel 25:4

Bamna aitani, lalma uplika nani karnika mihta ra mai mangkamna, witin nani tasbaya ba bribia, bara bahara tint watla ba bukbia, bara takaskaia pliska nani daukbia. Witin nani namsla dâkma pata nani ba pibia, bara tiala laya brisma nani ba sin dibia.

Jirimaya 28:14

Kan yang, Dawan, karnika sut brisna ba, Israel Gâdka, mai wisna: Nisan nani sut nana ra baha lal ra mangkaika dusa ba ayan ni paski mangkri, witin nani Nabucodonosor Babilon kingka warkka daukaia. Daiwan wail nani sin witin ai karnika bri ba lâka munhtara swiri sa.”

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Isikiel 23:28

“Naha yang, Dawan, mai wisni: Man nisan nani ra misbara kaikisma ba karnika mihta ra mai mangkamni, man mita sîa aikaban mai dauki ba.

Isikiel 21:31

yang lawanki ba man puramra blikamni, pauta klauhanka saurakira baku; upla sauhki tatikra saurakira nani mihta ra mai mangkamna.

Isikiel 11:9

Man nani mampara lâ daukamni: Naha wina man nani ra mai sakamni bara upla tringsar nani mihta ra mai mangkamna.

Jirimaya 37:17

Bara king Sedequías ai bîla blikan Jirimaya ba saki king watla ra brih wabia, bara witin nani Jirimaya ba king mawanra brih wan; bara yukuwan ra king ba witin ra makabi walan: —¿Dawan wina bîla blikan kum bâra sa ki? Jirimaya pana win: —Âu, naku ai bîla blikan sa: King ba Babilon kingka mihta ra mangkan kabia wisa.

Jirimaya 32:5

Nabucodonosor mita Sedequías ba alki Babilon ra brih wabia, witin bâra kabia, yang mita kli witin ra wark yabamna ba kat. Ban kra man nani Caldea uplika nani mapara aiklama, sakuna diara yamni takbia apia. Yang, Dawan, kasak aisisna.’ ”

Jirimaya 27:12

Yang, Jirimaya, baha kli kli aisari Sedequías Juda kingka ra, bara baha purkara sin wîri: “Man nani Babilon kingka uplika nani karnika bri ba ra baws, bara man nani raya kama.

Jirimaya 27:8

Sakuna tila nisan nani king Nabucodonosor bîp lal ra mangkaika dusa bri ba ra bawras sa kaka, baha nani yang klala yabamna, war blikamna, sanglang iwbia, siknis yarka baha nani sut ra alkbia, witin ai lâka ra bawbia ba kat. Yang, Dawan, kasak aisisna.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Aiseya 14:25

Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Jirimaya 28:13

“Hananías ra was, bara wis, yang Dawan sna ba, naku wisni: Bîp lal ra wilkaika dusa kum dus ni paskan kan ba man kriki yuya sirpi daukram. Sakuna nanara yang wala kum maikaia ayan ni paski ridi mai daukri sa.

Jirimaya 32:3

Sedequías kingka mita blikan wan silak mangkaia, kan Jirimaya naku aisin kan: “Dawan bila: ‘Yang daukamni naha tawanka na Babilon ai karnika bri ba mihta ra kauhbia,

Miqueas 2:3

Baha mita Dawan aisisa: “Yang sin man nani mampara diara kum daukaia sna, mai sauhki mai tikaia pâtka blikamna, bara man nani baha pâtka wina sip swak takma apia. Man nani pât ra kama, mamyuni lilia wapi tauki kama apia, piua ba man nani mampara saura pali kabia bamna.