Inanka Nani 1:10 - DAWAN BÎLA AISKA

¹⁰ Waihla nani dawanka takan sa Jerusalem yuyaka bara prana nani kata ba sin. Upla nani ba kaikan idan uplika nani, Dawan wal prawaia watla holikira ra ai karnika wal diman ba, ¡Dawan, man baha nani uplika ra adar yabatma man wal asla prawaia pliska ra dimbia apia, baha uplika nani sika diman ba!

Inanka Nani 1:10 ပူးပေါင်းရင်းမြစ်များ

2 Kronikas 36:18

Gâd tempelka ra diara nani bâra kan ba, tara, sirpi bara diara manakira nani sut brih wan, king prapatika bara ai uplika nani yuyaka sin sut, Caldea kingka ba bui Babilon ra brih wan.

Nihimaya 13:1

Baha yua ra Moses lâka wauhkataya ba aisi kaikan tawan uplika nani wali kan ba ra. Bahara ulban kan, Amón uplika nani bara Moab uplika nani ba sip apia sa, Gâd uplika nani daknika ra kaia.

Aiseya 63:18

¡Man uplikam holikira nani ba, piua prahni baman ai kuntrika dawanka takan! Yawan wan waihla nani ba tempelkam ba ai mina ra taiban.

Jirimaya 15:13

Israel, man saura nani daukram ba tâwan, diara nani brisma ba pâtkam nani ba sin waihlam nani ra yabaisna, diara sut man kuntrikam ra brisma ba, mana aibapras bal brih waia daukamna.

Jirimaya 20:5

Naha tawanka ba sin waihla nani mihta ra swimna diara nani bri ba sut, diara mana tara nani dukia bâra ba, Juda kingka kukanka nani ba sin, baha sut Babilon ra brih waia.

Jirimaya 27:19

“King Nabucodonosor, Juda kingka Jeconías, Joaquim luhpia waitna ba, Jerusalem wina Babilon ra brih wan, tara kulkan uplika nani sin Juda wina bara Jerusalem wina sin sut witin aikuki brih wan, kuna utla playka tara nani ba brih waras, lî watla tarka tara bras ni paskan ba sin apia, wagin nani ba sin, tempel dukia wala nani ba sin brih waras kan. Dawan, karnika sut bri ba, aisisa baha, dukia nani sut brih waras kau swin kan ba, dahra aisisa dukia nani ba tempel ra kan Juda kingka watla ra bara Jerusalem ra sin bâra kan:

Jirimaya 50:28

(Babilon wina plapi swak takan nani ba Saion ra wan bara sturi aisin, Dawan yawan wan Gâdka nahki Babilon nani ra daukan ba ai tempelka sauhkan ba tâwan, dîa pana munaia kan ba kat munan dahra ba.)

Jirimaya 51:51

Man nani aisisma: “Yang nani ra saura ai wi ba walisna ba swiri ai daukisa. Yang maiwan na swiri ai daukan lâka ni bikan, kan upla kakaira apia nani ba tempel bîla kau sunu pliska ba ra diman.”

Jirimaya 52:13

tempel ba angkan, king watla ba bara tawan ra utla nani ba, baku sin upla tara nani watla sin angkan,

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Isikiel 44:7

Man nani tempelka ba tâski daukisma, yabram upla tringsar nani ba dimisa, upla yang wal lâ daukan tukinka âpu, ai lukanka ra bara ai wîna tara ra sin apia; tâski daukisa sakripais baku aiki batanka bara sakripaiska tâlia bara lâika nani bara pura lui baha daukanka saura wal.

Isikiel 7:22

Yang naha kuntrika wina tnaya ra tawamna bara swimna tempelka ba tâski daukbia, kan baha sika yang duki kukan. Tahplu nani balbia bara tâski daukan kabia.

Isikiel 9:7

Baha ningkara witin nani ra win: “Tempel ra was bara tâski dauks; pruan nani wal kutbanka painkira ba banhks.” Witin nani taki wan bara tâ krikan tawan ra upla ikaia.

Mark 13:14

“Man nani saura tâski lâka ra kaikma naha pliska baku kaia apia kan ba —ya aisi kaiki ba, tânka bribia—, baku bamna Judia ra nani ba il nani ra plapbia;

Kli Smalkanka 23:3

“Amón uplika nani bara Moab uplika nani ba sip Dawan daknika ra dimbia apia, kiamka nani 10 lubia wina bara ningkara sin apia;

Kli Smalkanka 23:4

kan man nani Idsip wina takram ningkara, witin nani tasbaya bâk lui waram bara lî wihki plun sin maikras kan, ba purkara Beor luhpia Balaam Petor Mesopotamia wina aula kan ba ra aibapan, man nani mampara saura aisabia dukiara.