Impakan Sturka 9:18 - DAWAN BÎLA AISKA

¹⁸ ¡Bamna, baha aitani! Sakuna yauhka naha piua wina kaikma lî klaswan pura wina kauhi kabia Idsip aiska ra. Naha tawanka sakan ba yua wina, kau yu kumi sin baku lî klaswan kauhaia kan ba, nanara kaikbia.

Impakan Sturka 9:18 ပူးပေါင်းရင်းမြစ်များ

1 King Nani 19:2

Bara Jezabel bui maisa papakra kum Ilayas ra blikan bara win: “¡Man ba Ilayas sma, yang na Jezabel! Yauhka naha awarka ra yang bui baha Baal prapitka nani ra munram ba baku, man ra mai munras sna kaka, gâd nani ba bui kau saura pali ai munbia.”

1 King Nani 20:6

Baha purkara, yauhka naha awarka ra wihtki tara nani man ra blikamna, king wamtla ba turbi laki kaikbia, warkkam tatakra nani watla nani ba sin, bara diara manakira nani ba sut lika saki brih wan kabia.’ ”

2 King Nani 7:1

Bara Ilaidsa mita win: —Dawan bîla na wals; Dawan ba wisa: ‘Yauhka naha awarka ra, Sameria dimaika ra sip kabia silbar mâ kumi baman ni 7 batil plawar atkaia, purkara sin lalah mâ kumi baman ni sip kabia barli mâ 15 batil atkaia.’

2 King Nani 7:18

Bara dîa prapit aisan kan ba king ra, baku takan: Sameria dimaika ra plawar batil 7 ba silbar mâ kumi baman ni atkbia, bara barli mâ batil 15 ba silbar mâ kumi baman ni atkbia.

Job 37:13

Baha nani sut ba wal sip sa Gâd mita tasba ra klala yabaia, apia kaka ai latwanka lâka tânka ba marikaia.

Job 38:22

¿Auhbaia pliska ba pat wih kaikatma ki, sno bara lî klaswan mâ nani auhbi swin ba,

Job 38:23

pât piua ra aiklabanka nani bara war nani piua ra blikaia?

Lawana Nani 83:15

¡baku nina blîks warbrikam ba wal, bara sirang iks man payaskam saura ba wal!

Impakan Sturka 10:6

King watla, king uplika tara nani watla bara Idsip uplika nani sut watla ba kruhkru nani baman banhwan kabia. Man nani damikam bara aisikam nani sin kau naha sât dukia nani kaikras kabia. Bara witin nani piua wina man nani piuam kat sin, naha sât dukia takras kan ba, nanara bal takbia.’ Moses naha sut aisi si, bara witin kir tawi mahka king watla wina taki wan.

Impakan Sturka 11:6

Idsip tasbaya aiska ra, upla nani ba ai kârma kalki ini kabia, sari lâka latwanka tara ba mita. Baha prais kau baku takras kan ba, bara kli sin baku takbia apia.’

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Param Marikanka 16:21

Walpa tara nani sin kasbrika pura ba wina upla nani purara bal kauhan, bara walpaya bani ba 100 paun prais bri kata. Bara upla nani Gâd mapara diara saura nani aisan, walpa tara bal kauhan ba dukiara, baha ba pât saura kan bamna.