Impakan Sturka 8:26 - DAWAN BÎLA AISKA

²⁶ Bara Moses pana win: —Yamni apia kabia yang baku daukaia, kan Idsip uplika nani ba daiwan ba tara pali kulki bahara ai pura sunisa. Bamna yang nani mita baha daiwan nani ba iki, Dawan Gâd ra sakripais dauki yabamna witin nani ai kaikbia kaka, yang nani kasak daira walisna, witin nani walpa ni ai sabi ai ikbia.

Impakan Sturka 8:26 ပူးပေါင်းရင်းမြစ်များ

Blasi Sturka 43:32

Witin nani tibil kum ra, Josep piaia pata baman kahban, bara muihnika nani piaia pata ba lika tibil wala ra kahban. Bara Idsip uplika nani Josep wal plun piaia paiwan ba pata sin, tibil wala ra kahban. Kan Idsip uplika nani lâka ra, lâ apia kan witin nani Hibru nani aikuki asla iwi plun piaia.

Blasi Sturka 46:34

man nani bui witin ra wima, damikam nani ai warkka bri kan warkka ba ban daukisma: sîp nani main kaikisma. Baku wima ba ra man nani sip kama, Gosen tasbaya ra maikka iwaia. Idsip uplika nani sika, lâ brisa sepad nani aikuki asla iwaia ba saura kulkisa.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

Esdras 9:1

Baha warkka nani ba sut daukan ba ra, Israel wihtka nani ba yang ra balan bara naku ai win: “Israel luhpia nani, baku sin prîs bara Libait nani ba, naha tasbaya uplika lâka nani wina sip dakwi takras sa: Kenan uplika nani, hitita nani, ferezeo nani, Jebús uplika nani, Amón uplika nani, Moab uplika nani, Idsip uplika nani bara amorreo nani dîa ai natka saura dauki tauki banhwi ba lâka kat taukisa.

Impakan Sturka 3:18

Tâ uplika nani bîlam walbia; bara man lika witin nani aikuki Idsip kingka ra mawanra wama, bara wima: ‘Dawan, Hibru nani Gâdka ba yang nani ra bal takan sa. Bamna aik yang nani yu yumhpa upla iwras tasbaya ra wapamna, bahara yang nani Dawan wan Gâdka ra sakripais dauki yaia.’

Impakan Sturka 8:8

Bara king fero bui upla saki blikan wan Moses bara Eran wal ra paiwaia. Bara king ba witin nani ra win: —Dawan ra puram suni makas, pikpik nani ba yang wina sâkbia bara upliki nani wina sin. Baku lika yang bui man uplikam nani ba swirka wabia, bara witin nani Dawan ra sakripais dauki yabia.

Aiseya 44:19

Man nani luki kaikras sma, sins lâka âpu, diara tânka aisaia: “Naha wina mânka kum pauta ra piakri, ai maskuka purara plun angkri, wîna angkri, bara baha piri; bara kau witin mânka wala ba wina diara saura pali kum daukri, dus klakan praiska kum dauki bahara puri sunisna.”