Impakan Sturka 8:22 - DAWAN BÎLA AISKA

²² Ban sakuna, Gosen tasbaya ra, yang upliki nani iwi banhwi ba ra lika walmu nani blikamna apia; bahara walmu âpu kabia. Baku daukamna ba wina, man kaikma yang sika Dawan, naha tasbaya ra warkki daukisna ba.

Impakan Sturka 8:22 ပူးပေါင်းရင်းမြစ်များ

Blasi Sturka 46:34

man nani bui witin ra wima, damikam nani ai warkka bri kan warkka ba ban daukisma: sîp nani main kaikisma. Baku wima ba ra man nani sip kama, Gosen tasbaya ra maikka iwaia. Idsip uplika nani sika, lâ brisa sepad nani aikuki asla iwaia ba saura kulkisa.

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 74:12

Blasi piua nani ba wina, man lika yang kingki sma. Man, Gâdki naha tasba ra pura luanka uya daukram tasba aiska ra:

Impakan Sturka 10:23

Tihmia tara pali aihwa kan ba mita, upla nani ba ai lamara pana pana sip kikras kan, yu yumhpa ai watla nani wina latara takras kan. Ban sakuna, Israel luhpia nani watla lika ingni bri kan.

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 7:17

Bahamna, Dawan bila naku wisa: Nanara man kaikma yang sika Dawan sna ba. Naha dusa mihti ra brisna na liura prukamna ba ra, awala laya ba tala baman takbia.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Impakan Sturka 8:10

King fero aisi, win: —Yauhka pali puri suns. Bara Moses bila pana win: —Yang baku daukamna, bara man kaikma Dawan wala âpu sa, yang nani Dawanki Gâd ba baku.

Impakan Sturka 8:21

Yang maisam pakisna, yang mai wisna ba baku daukras kama kaka, yang walmu nani blikamna man puramra, uplikam tara nani, uplikam wala nani sut purara sin, bara man wamtla bilara sin. Idsip uplika nani sut watla bilara bara tasba mawan ba sut, walmu baman banhwan kabia.

Impakan Sturka 8:23

Yang upliki nani ba, man uplikam nani ba wina sât aihka sakamna. Bara yauhka pali yang baku daukamna.’

Impakan Sturka 9:26

Idsip tasbaya aiska ra baku diara saura pali taki kan, sakuna Gosen tasbaya ra Israel luhpia nani iwi kan ba tilara lika, ais mâ sirpi kumi sin auhras kan.

Impakan Sturka 9:29

Bara Moses pana aisi, win: —Yang naha wina nan taki wamna ba wal, mihti nani purara buki man nani tâmwan Dawan ra makabaisna. Bara ais auhi ba takaskbia, alwani puli ba sin, bara man kaikma tasba aiska ba Dawan dukia ba.

Impakan Sturka 9:4

Sakuna Israel luhpia nani daiwra ba, Idsip uplika nani daiwra ba wina Dawan mita aihka dakbi sâkbia. Bara Israel luhpia nani daiwra lika kumi sin prubia apia.’

Impakan Sturka 9:6

Bara yu wala baiwan ra, Dawan mita daukan Idsip uplika nani daiwra sut pali prui tiwan. Sakuna Israel luhpia nani daiwra lika kumi sin pruras kan.

Isikiel 30:19

Yang lika Idsip mapara lâka daukaia ba, daukamna, bara ai dara wali banhbia, yang sika Dawan sna ba.”

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”