Impakan Sturka 8:14 - DAWAN BÎLA AISKA

¹⁴ Bara upla nani mita pikpik pruan nani ba, wahbi il baku paskan, Idsip tasbaya aiska ba bisbaya pali takan.

Impakan Sturka 8:14 ပူးပေါင်းရင်းမြစ်များ

1 King Nani 18:26

Bara bîp wainhka yan kan ba wina kum ridi daukan, bara witin nani Baal nina mâki titan wina yu wan lal kat wini kan: “¡Baal, yawan ra aisas!”, sakuna bîla baikra kumi sin âpu kata. Ban sakuna witin nani wapi srutwi kan, altar witin nani paskan ba lamara.

1 King Nani 18:29

Yu wan lal kat piua ba luan kata, bara witin nani lal saura takan kan, baku ban wini banhwi kan, kîa yamni angkaia piua ba kat; sakuna bîla baikra kumi sin bal takras kan. Ya pali bui pana aisaia ba âpu kan, wini banhwi ba walaia ba sin âpu kan.

Impakan Sturka 7:21

Inska nani sut pruan, bara awala ba bisbaya pali takan, Idsip uplika nani sut baha wina lî diaia sip apia takan. ¡Idsip tasbaya aiska ra tala baman ailal kan!

Impakan Sturka 8:13

Bara Moses dîa makaban ba kat Dawan daukan. Pikpik nani ailal utla bilara, lata tani ra bara insla nani ra kan ba, sut prui tiwan.

Impakan Sturka 8:15

Bara king fero kaikan pikpik nani ba sut prui tiwan, witin trabil wina pri takan kan, bara kli ai kupia karna daukan, Dawan mita Moses ra win ba baku, king ba Moses bara Eran wal bîla walras kan.

Impakan Sturka 8:24

Bara Dawan aisin ba baku daukan, walmu nani ba mita diara sut ba sauhki swin.

Impakan Sturka 9:11

Nanara sukia nani kata ba sip Moses bara Eran wal mapara buras kan, witin nani sin Idsip uplika wala nani wal baku yukri nani mita ai taya sukwi kan bamna.

Aiseya 19:11

¡Kasak pali Saion ra, wihta nani, man nani bâra sma ba, sinskas banhwisma ba; Idsip ra Lâ Smasmalkra nani kau sinskira bâra ba, baha smasmalkra ba kau sinskas sa! ¿Nahki muni man nani king fero ra wima: “Yang nani lika sinskira nani kiamka, blasi kingka nani luhpia sna”?

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Isikiel 39:11

“Baha piua ra Gog ra plis kum yabamna Israel ra, Impapakra Ilka Bîla ra, kabu lamara, bahara upla bikbia dukiara. Baha pliska bâk luaia apia lâka daukbia, bara bahara Gog bara war aiklaklabrika nani sut ba bikbia, bara nina mâkbia Gog war aiklaklabrika nani ilka langnika.

Joel 2:20

Kruhkru nani yahbra wina man ra aula ba, man wina laihura sakamna bara upla iwras tasbaya ra man lulkamni. Kabu Pruan ra tâura daknika ba, yarka sut kwapi prubia, bara ninara aula daknika ba sin, Kabu Mediterráneo ra rungkamna, bahara wîna ba sukwi, bisbaya takbia. ¡Yang diara tara nani daukaisna!”