Impakan Sturka 6:8 - DAWAN BÎLA AISKA

⁸ Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Impakan Sturka 6:8 ပူးပေါင်းရင်းမြစ်များ

Blasi Sturka 14:22

Sakuna Ebram pana Sodoma kingka ra naku win: —Gâd Laih Purara iwi ba ra yang mihti bukri, kasbrika pura bara tasba sin papaskra ba,

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Impakan Sturka 13:5

bamna naha katka ra man nani baha yua liliaka ba dauki kaia sma. Dawan mita baha tasbaya ra mai bri wabia, bahara tialka laya bara nasma wal lî laiwi baku ba. Baha tasbaya ra sika Kenan uplika nani, hitita nani, amorreo nani, heveo nani bara Jebús uplika nani iwi ba. Damikam nani ra pat win kan, baha ba man nani ra maikaia.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Impakan Sturka 6:2

Dawan Gâd ba Moses kat aisi, win: —Yang sika DAWAN.

Impakan Sturka 6:4

Baha purkara sin, witin nani wal lâ kum daukri, pramis munri Kenan tasbaya ba witin nani ra yabaia, baha tasbaya ra witin nani tringsar baku pat piua wiria lupia iwi kata ba.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Isikiel 20:15

‘Baku sin upla iwras tasbaya ra pramis takri, yang bui witin nani tasbaya wisi sakri ba ra brih waia apia, sut kau prana ba, bahara nasma bara tiala laya wal lî baku plapi ba;

Isikiel 20:23

Upla iwras tasbaya ra yang swer takri, witin nani ba nisan nani tilara tasbaya aiska ra yakabi lakaia.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:42

‘Bara maikrika man nani Israel ra dimma, baha kuntrika pramis munri kan ba almukkam nani ra; bara man nani damra walma yang sika Dawan sna ba.

Isikiel 36:7

Baku bamna, yang Dawan, swer takisni lamara nisanka nani ba ai swira lâka ni bikan kabia.

Isikiel 47:14

Yang swer takri almukkam nani ra naha tasbaya na yabaia. Kumi bani sim yahpika aikuki bribia. Naha kuntrika na diara briaia kan ba baku bribia.

Kulki Kaikanka 10:29

Yu kum Moses ai waikatka Hobab, Jetró luhpia Madián wina ba ra naku win: —Yang nani, Dawan aikaia win yaba tasbaya ra waia impakisna; kaisa yawan aikuki wap, bara yang nani yamni mai munamna, kan Dawan bui Israel ra yamni munaia ai pramiska sin daukan.

Kulki Kaikanka 11:12

¿Dîa uplika nani sut na yang luhpi sa ki, bara man ai wisma klamhkla ra brih waia tiala di tuktika baku, aisika nani ra yaia pramis munri ba tasbaya ra?

Kulki Kaikanka 14:30

Kasak pali man nani baha tasbaya ra dimma apia, man nani dukiamra mihti buki swer taki aisari kan ba. Caleb, Jefuné luhpia ba, Jasua Nun luhpia ba wal baman lika bâra dimbia.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Kli Smalkanka 32:40

Mihti kasbrika purara bukisna bara yang ban kaia lâka brisna dukiara swer takisni,

Kli Smalkanka 4:31

Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.

Jasua 24:13

Yang bui man nani ra tasba kum maikri, man nani wark takras katma ba, bara man nani mita tawan kumi paskras katma ba, man nani bahara iwisma, bara man nani wain bara batana sin mangkras katma ba wina pisma.’ Bara Jasua kau pura praki aisin:

Param Marikanka 10:6

bara Gâd nina mâki swer taki, witinka ban kaia ra raya iwi ba, bara kasbrika purara, tasba, kabu bara diara nani sut bahara banhwi ba paskan ba, bahara naku wisata: “Kau piua âpu kabia.

1 Samuil 15:29

Kan Gâd ba sika Israel prana, witin kunin aisaras, kli ai kupia lakras, witin ba upla apia sa kli ai kupia lakaia.