Impakan Sturka 6:23 - DAWAN BÎLA AISKA

²³ Eran lika Aminadab luhpia mairin Elisabet wal marit takan, baha sin Nahasón lakrika mairin kata, wal ai luhpia nani baikan ba: Nadab, Abihú, Eleazar bara Itamar.

Impakan Sturka 6:23 ပူးပေါင်းရင်းမြစ်များ

1 Kronikas 2:10

Ram ba Aminadab aisika kata, bara Aminadab ba Nahasón aisika kan, witin sika Juda kiamka nani lalka kan.

1 Kronikas 6:3

Amram luhpia nani ba lika: Eran, Moses bara Meri. Eran luhpia nani ba: Nadab, Abihú, Eleazar bara Itamar.

Impakan Sturka 24:1

Dawan bui Moses ra win: —Eran, Nadab bara Abihú, man nani aikuki Israel luhpia nani 70 sin nâra sna pliska na kat bal uls. Sakuna itwi baku ra takasks, bara sut lulam kriks baha kat.

Impakan Sturka 24:9

Moses ba Eran, Nadab, Abihú bara Israel almukka nani 70 aikuki il ra uli wan.

Impakan Sturka 28:1

“Muihkam Eran paiws lamamra balaia. Ai luhpia waitna nani ba sin witin nani ba Israel luhpia nani tila wina, yang prîski nani kabia. Eran luhpia nani ba Nadab, Abihú, Eleazar bara Itamar.

Libait Lâka 10:12

Baha ningkara Eran luhpia nani, Eleazar bara Itamar, ai aisika watla ra kan, bara Moses bui naku win: —Barli mâ sâtka prisantka angkan nani ba wina, kau bâra ba man nani bris, sakuna îs mangkaia apia, bara altar lamara piaia sma, kan baha ba pat holi pali daukan bamna.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Kulki Kaikanka 1:7

“Juda kiamka ba wina: Nahasón, Aminadab luhpia ba.

Kulki Kaikanka 2:3

“Juda plakinka bri aiklaklabra nani impaki ba lalma tani ra ai watla nani ba mâkbia. Juda uplika aiklaklabra nani wihtka ba lika Nahasón, Aminadab luhpia ba,

Kulki Kaikanka 20:25

Bamna, Moses, man mita Eran luhpia Eleazar wal ba brih was Hur ilka purara;

Kulki Kaikanka 20:28

Bahara wan ba ra Eran prîs prâka dimi kan ba Moses mita daiki, ai luhpia Eleazar ra yan diman. Bara baha ilka bahna ra Eran ba pruan; bara Moses Eleazar wal il bahna ba wina bal iwan.

Matiu 1:4

Ram ba Aminadab aisika, Aminadab ba Nahasón aisika, Nahasón lika Salmón aisika.

Luk 1:5

Herod Judia kingka aimaki kan ba ra, prîs kum bâra kan nina Sakaraya, witinka Abías kiamka kata. Ai maya nina lika Elisabet, witin sin prîs Eran kiamka kan.

Jasua 24:33

Eleazar Eran luhpia ba pruan ba ra, bikan ai luhpia Finees ilka ra, baha sika Efraín ilka nani ra yabata ba.