Impakan Sturka 6:1 - DAWAN BÎLA AISKA

¹ Bara Dawan pana witin ra win: —Nanara man kaikma king fero wal yang dîa daukamna ba, yang bui witin ra taibi munrika ai tasbaya wina upliki nani ba swika taki wabia; bara kau ni, witin mita uplika nani ba kangbi sâkbia.

Impakan Sturka 6:1 ပူးပေါင်းရင်းမြစ်များ

2 King Nani 7:19

Baha wihtka tara prapit ra win kata, Dawan ba kasbrika pura pali ba windarka sâkbia sin, baha nani sip baku takbia apia. Ilaidsa bui lika wisata witin ai nakra pali ni kaikbia, sakuna baha wina pibia apia.

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 12:6

Dawan pramis aisin bîla nani ba sunu sa; ¡silbar tâski âpu pali ba purkara, silbar 7 taim kiskan ba baku!

Lawana Nani 136:12

witin ai klahkla ba sakbisa, ai latwanka lâka ba ban kaia ra ban sa bamna.

Lawana Nani 89:13

Man klamhkla ba karna pali sa; man mihtam aihkika ba karna sa, bara pura lalura sa.

Impakan Sturka 11:1

Dawan bui Moses ra win: —Kau klala kum king fero ra bara Idsip uplika nani sut purara bri balaia sna. Baha ningkara, king fero bui man nani ba ban mai swika taki wama apia, sakuna witin mita mai kangbi mai sâkbia.

Impakan Sturka 12:31

Baha pali tihmika king fero bui Moses bara Eran wal ra paiwi, witin nani ra win: —Man nani taki was upliki nani tila wina, Israel luhpia nani sin brih taki was. Dawankam ra wih mayuns man nani aisaram ba baku.

Impakan Sturka 12:33

Idsip uplika nani, Israel luhpia nani ra aihni pali munan ai tasbaya wina mahka taki wan. Kan witin nani lukan baha nani tâwan witin nani sin sut prui tiwbia.

Impakan Sturka 12:39

Bara plawar krauhnika îs âpu daukan nani Idsip wina brih takan ba wal, kik nani angkan. Kan witin nani piua aitani briras kan, yabal pata plun nani ridi daukaia, Idsip uplika nani mita ai tasbaya wina istikira pali kangbi sakan bamna.

Impakan Sturka 13:14

Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka.

Impakan Sturka 13:16

Dawan ai mihta karnakira ba ni, Idsip tasbaya wina bri sal wan sakan ba tukinka baku; sain kum wan klahkla ra wilkan, wan lal purara sin ulbi mangkan baku, yawan luki kaia sa naha yua liliaka ba dauki wan kupia krauki ba ra.’ ”

Impakan Sturka 13:3

Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma.

Impakan Sturka 13:9

Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna.

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 15:6

Dawan, man mihtam aihkika ba karnika tara sip pali aihwa sa, baha ni wan waihla nani ba kriki yuya baman daukram.

Impakan Sturka 7:4

king fero man nani bîlam walbia apia, sakuna yang karniki ba wal Idsip purara mihti sakbamni, lâ nani wapni kasak lâka dauki, yang upliki Israel luhpia nani aiklaklabra daknika ba bri sal sakamni.

Impakan Sturka 7:5

Yang bui Idsip tasbaya purara karniki ba marikamna ba ra, Israel luhpia nani ba baha wina sakamna bara witin nani ai dara walbia, yang sika Dawan sna ba.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Kulki Kaikanka 11:23

Bara Dawan bui Moses ra pana aisin: —¿Dîa Dawan ba karnika âpu sa ki? Nanara kaikma yang bîli ba aimakisa sapa, apia kaka aimakras sapa.

Kulki Kaikanka 23:23

Jekob ra saura munaia tânka âpu sa, Israel mapara buaia sukia lâka ba bahki sa, bamna nanara Israel naku wiaia sa: ‘¡Israel, aima an Dawan ba man nani wal wark aihkakira nani pat daukan ba!’

Apastil Nani Sturka 13:17

Israel nisanka Gâdka ba wan damika nani ba bâk saki brin, nisan tara daukaia, witin nani sin kau Idsip tasbaya ra tringsar baku iwi kan ba ra. Baha ningkara, ai karnika ba ni baha tasbaya wina sakan.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?