Impakan Sturka 5:6 - DAWAN BÎLA AISKA

⁶ Baha pali yua ra sin king fero mita wark pura kakaira wihtka nani ra, dakni pura kakaira wihtka nani ra sin adar yaban:

Impakan Sturka 5:6 ပူးပေါင်းရင်းမြစ်များ

2 Kronikas 26:11

Ba purkara, Ozías war aiklaklabra bri kan aiklabaia ridi baman, baha ba dakni nani ra aiklabaia taki wi kan, baha lika king watla ra sturi âiulbra Jehiel ba wina sa, baku sin Maaseías wihta tara ba bui wan marikisa, naha na Hananías munhtara kan ba, king kamandantika kum.

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Impakan Sturka 5:10

Bara wark pura kakaira wihtka nani ba, dakni pura kakaira wihtka nani sin taki wan bara upla nani ra naku win: —King fero yang nani ra adar aikan sa, man nani ra kli twi lâwan nani bri si maikamna apia.

Impakan Sturka 5:19

Israel tâ uplika nani ba kaikan witin nani ra karna taibisa naha bîla win ba mita, sakuna blok nani ba lika an paski kaia yaban ba kulkanka ba kat paski kaia sa.

Impakan Sturka 5:7

—Israel luhpia nani ra kli inma lâwan nani bri si yapara, slaubla tasba wal abalki blok paskaia dukiara, witin nani ra hilp muni dauki kata ba baku; ¡swis witin nani silp wih inma lâwan nani ba klaki wahbi bri kabia!

Sins Lâka 12:10

Upla kasakkira ba ai daiwra rayaka ba kulkisa, sakuna watawikira nani kupia ba karna pali sa.

Kulki Kaikanka 11:16

Sakuna Dawan pana Moses ra win: —Israel luhpia nani tila wina 70 waitna almuk nani paiws balbia, man kaikisma tawan uplika nani mita kulki, bîla wali nani ba, bara asla takaia tintka watla dimaika ra brih bal, bara bahara man aikuki bîli kaiki banhwi bas.

Kli Smalkanka 1:15

“Bamna man nani kiamkam tila wina waitna kau sinskira nani ba, bara pat wark dauki tânka bri nani sakram ba, yang bui witin nani ra karnika yabri, man nani puramra tâmra kaia. Tila nani ba, upla 1,000 tâ briaia yabri, wala nani 100 upla tâ briaia, wala ra 50 upla tâura kaia, bara wala nani ba upla matawalsip tâ briaia, baku sin kau wala nani ba kiamka 12 nani ra tâ briaia mangkri.

Kli Smalkanka 16:18

“Kiamka bani dukiara Dawan Gâdkam bui tawan nani maikan ba ra, wihta nani mangks, kasak rait pali tawan lâka daukaia dukiara.

Jasua 24:1

Jasua Siquem tawanka ra asla takan Israel kiamka nani sut wal. Almuk nani, wihta nani, lâ dadaukra nani, wihta tara nani sut paiwan Dawan mawanra,

Jasua 24:4

bara Aisak ra luhpia wâl yâri, Jekob bara Isau. Bara Isau ra Seír tasbaya ilka unta biara ra ba yâri, sakuna Jekob bara ai luhpia nani wal lika Idsip ra wan.

Jasua 8:33

Moses sin pat win kata, upla nani ba Dawan lamara bal bubia ai yamnika ba briaia, bamna upla nani ba sut pali Israel luhpia nani kan ba, tringsar nani Israel luhpia apia kan ba, upla almuk nani, wihta tara nani, wihta nani sut, prîs nani, Libait nani Dawan lâka auhbaia watla twilki kan ba mawanra bal buan. Israel luhpia nani ba Dawan yamnika briaia dakni ra buan, daknika kum ba Guerizim ilka tani ra buan, daknika wala ba Ebal ilka tani ra buan, baku daukaia Moses mita pat win kan, bamna witin nani baku daukan.