Impakan Sturka 40:9 - DAWAN BÎLA AISKA

⁹ “Bara lal ra laikaia batanka ba bris, holi pliska ra diara wala bâra ba sut ra laikma. Bara wark daukaia dukia nani sut ba sunu daukma, bara holi sakaia pliska kum sunu kabia.

Impakan Sturka 40:9 ပူးပေါင်းရင်းမြစ်များ

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Impakan Sturka 37:29

Bamna Besalel mita yukan batana sunukira ba bara kîa yamni angki yamni daukaia batanka ba sin, kîa yamni dadaukra nani dauki ba tânka kat.

Impakan Sturka 39:39

Diara angkaia altarka bras ni daukan ba, yamhpus yakawaika daukan ba, twilki brih waia dusa nani ba, diara watla nani ba, bisin ba bara mina purara kahbaia dusa ba bara iliska daukan ba, kahra nani bara wark daukaia dukia nani, lî plapaika munhta karnika ba,

Impakan Sturka 40:8

Bara utla kutbanka tnaya kir pamaia kwalka ba, utla kutbanka dimaika ra pams.

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Isikiel 28:14

Kirubin kum mita main mai kaiki kaia mai swiri, Dawan ilka holikira ra katma, bara slilma nani tilara wapi tauki katma.

Libait Lâka 8:10

Baha ningkara, Dawan yamnika yaia batanka laya ba Moses brin, bara tint watla aiska ba, diara nani bilara ba sut purara sin batana laya ba laiki, yamnika ba yan, bara baha nani ba Dawan dukia daukan.

Kulki Kaikanka 7:1

Baku bamna, Moses tint watla ba buki mâki danh takan ba ra, altar ra kan ba sut, utla bara diara nani bilara kan ba, purara batana laiki holikira daukan.

Matiu 3:16

Jisas ra tahbi daukan ba ra, Jisas lî wina mahka takan. Tisku kan, kasbrika purara ba kwawan, bara Jisas kaikan Gâd Spiritka ba butku baku ai purara aula kan.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

2 Korint 1:22

Bara witin ai sîlka ba ni mark wan mangkan sa, bara Spirit Holikira ba wan kupia ra mangkan, naika yawan diara briaia ba tukinka baku.

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

Hibru Nani 9:21

Moses sin Dawan wal prawaia watla ba bara Gâd ra pura suni mayunaia dukia yus muni kan ba sut sin, tala ni srikban.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.