Impakan Sturka 40:18 - DAWAN BÎLA AISKA

¹⁸ Moses mita tint watla ba bukan munhta karnika playka ba mangkan, tatka nani sin mangkan, prihni mangkaia dusa nani mangkan, playka nani ba buki bapan,

Impakan Sturka 40:18 ပူးပေါင်းရင်းမြစ်များ

2 Samuil 7:6

Israel luhpia nani ba Idsip wina sakri ba yua wina naiwa kat, yang tempel nani ra kau iwras, sakuna tint watla nani ra ban taukisna.

Impakan Sturka 40:17

Baku witin nani Idsip wina takan ba wina mani wâl alkan, bara kati pas, yua pas, aimakan ba ra tint watla ba buki mâkaia warkka ba bukan.

Impakan Sturka 40:19

bara tint watla bahna prakaika kwalka nani ba sin mangkan, baha pura bâk kli pura prakaika wala mangkan, Dawan bui Moses ra nahki daukaia win ba baku daukan.

Impakan Sturka 40:2

“Kati pas yua pas aimakan ra, tint watla, Dawan wal aisaia tintka watla mâkan ba, yus munaia pura sunbia.

Aiseya 33:24

Bara iwi nani ba wibia apia: “Yang siknis sna.” Bahara iwi uplika nani watawanka nani ba Gâd mita ban swih tikan kabia.

Libait Lâka 26:11

“Yang lika man nani tilamra bâra kamna, kli mai lulki mai swimna apia;

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.