Impakan Sturka 40:13 - DAWAN BÎLA AISKA

¹³ bara Eran prâka ba yas dimbia. Bara batana ai purara laiki aihka sunu sâkma, yang naipakan kaia.

Impakan Sturka 40:13 ပူးပေါင်းရင်းမြစ်များ

Impakan Sturka 28:41

“Baha sât prâka man muihkam Eran ra, luhpia waitna nani ra dimaia yabaia sma. Bara baha ningkara witin nani lal ra batana laikma, tânka ba witin nani ba yang prîski aimaki kaia karnika yabisma upla sut mawanra.

Impakan Sturka 29:7

Bara sunu sakaia batanka ba bris, bara baha Dawan prîska Eran lal ra laiki sunu dauks.

Impakan Sturka 40:14

Baha ningkara luhpia nani ba sin yas witin lamara wabia, bara prâka nani ba yas dimbia.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Libait Lâka 7:35

Dawan mita Eran ba paiwi prîs lâka ra mangki ai yamnika yan yua ba wina, Dawan ra pain kulkan lâka yabaia prisantka angki dauki ba pata wina, witin ra bara ai luhpia nani ra sin pata ba yabaia lâka mangkan ba naha nani sa.

Libait Lâka 7:36

Dawan mita win Israel ra wiaia witin nani prîs luhpia nani ra sin plun yabi kabia. Prîs mangkan ba yua wina, baha lâka ba upla nani purara kahban kan ba, piu bani baku dauki kaia, aisika nani ba naha lâka ai luhpia nani ra smalki ban kaia.

Libait Lâka 8:13

Bara baku sin witin Eran luhpia waitna nani ba winan ai lamara balan; baha nani prâka ba sin yan diman, maisa wilkaika ni maisa wilkan, kiaputka sin lal ra bapan, Dawan adarka win ba kat daukan.

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Hibru Nani 10:10

Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.