Impakan Sturka 4:5 - DAWAN BÎLA AISKA

⁵ —Naha ni witin nani kasak mai lukaia sa, Dawan ba man ra latan takan, damikam nani Gâdka, Ebraham, Aisak bara Jekob Gâdka ba.

Impakan Sturka 4:5 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 18:1

Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan,

Blasi Sturka 26:2

Baha yabalka ra Dawan bui witin ra latan takan, bara win: “Man Idsip ra wapara, sakuna yang mai wimna man anira takaskaia sma ba, bara man bahara takaski kama.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 48:15

Bara witin naku aisi Josep ra ai yamnika yan: “Yang aisiki nani, Ebraham bara Aisak baha Gâdka ra bîla wali kan Gâdka ba, baha Gâdka yang aisubi takri yua ba wina naiwa kat main ai kaiki ai bri ba,

Blasi Sturka 48:3

Bara witin Josep ra win: —Gâd karnika sut bri ba, Luz tawanka tara Kenan tasbaya ra bahara yang ra latan takan bara ai yamnika aikan,

1 King Nani 18:36

Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

Impakan Sturka 19:9

bara Dawan bui witin ra win: —Kaiks, yang lika man ra kasbrika siksa kum ra balamni ba ra, man wal aisi kamna, upla nani ba wali kabia, bara baku witin nani piu sut man ra tniwi ban kabia. Upla nani aisinka ba Moses kli Dawan ra win,

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Impakan Sturka 3:16

Man was, Israel luhpia nani tâ uplika nani ba sut asla dauks bara witin nani ra wis: ‘Dawan ba, man nani damikam nani sut Gâdka ba, Ebraham, Aisak bara Jekob sut Gâdka ba, yang ra latan takan bara ai win witin lika man nani trabilkam tara ba sut kaikisa, Idsip uplika nani mita nahki saura mai muni ba.

Impakan Sturka 3:18

Tâ uplika nani bîlam walbia; bara man lika witin nani aikuki Idsip kingka ra mawanra wama, bara wima: ‘Dawan, Hibru nani Gâdka ba yang nani ra bal takan sa. Bamna aik yang nani yu yumhpa upla iwras tasbaya ra wapamna, bahara yang nani Dawan wan Gâdka ra sakripais dauki yaia.’

Impakan Sturka 3:4

Dawan kaikan Moses ba kau ai lamara aula, bara witin kiaya dusa ba tila wina witin ra wini, naku win: —¡Moses! ¡Moses! Bara Moses pana aisin: —Yang nâra sni.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 4:1

Moses kli pana aisin: —Ban sakuna, Israel luhpia nani ba yang ra kasak lukras ai walras kabia kaka, kli maipara aisabia: ‘Dawan lika man ra latan takras ai wibia kaka.’

Impakan Sturka 4:31

Bara upla nani ba sut kasak lukan, baku bamna witin nani sin ai dara walata Dawan ba witin nani ai inanka ba walan, bara sut ai pura suni mayunan.

Impakan Sturka 4:4

sakuna Dawan bui witin ra win: —Mihtam sakbi wâika ra alks. Moses ai mihta sakbi wâika ra alkan, bara piuta kata ba kli kîn takan.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Jan 11:15

Bamna lilia sni bahara yang âpu kapri ba dukiara, kan baku kau pain sa man nani mampa ra, man nani kasak luki kama ba dukiara. Sakuna kaisa yawan bui witin ba wih kaikaia.

Jan 11:42

Yang kaikisna man piu bani bîli walisma, sakuna yang baku aisisna upla nani nahara banhwi na dukiara, witin nani kasak lukbia ba dukiara ai blikatma.

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 5:36

Sakuna yang witniski kum brisna, Jan ba wal kau tara sa. Diara nani daukisna ba, baha daukamna wisi Aisa mita mihti ra mangkan bamna, param mamrikisa yang na, Aisa mita ai blikan sa.

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Hibru Nani 11:16

Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.