Impakan Sturka 4:21 - DAWAN BÎLA AISKA

²¹ Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 4:21 ပူးပေါင်းရင်းမြစ်များ

Blasi Sturka 6:3

Bara Dawan aisin: “Yang bui upla ba ban swirka raya kabia apia, kan kasak pali sika witin ba wîna baman sa, bamna ai yua nani ba mani 120 baman kabia.”

1 King Nani 22:22

bara spiritka ba mita win spirit kuninkira kum king prapitka nani ra yarka aisabia. Bamna Dawan win, baha pain sa bara witin wabia kunin munaia, bara baku wih daukbia.

Lawana Nani 105:25

Sakuna Idsip uplika nani ba, ai uplika nani mapara yan buan, bara Gâd warkka dadaukra nani ra sin yan kunin munan.

Lawana Nani 78:43

Soan kiampka Idsip ra kata ba ra, diara tara aihkakira daukan;

Impakan Sturka 10:1

Dawan bui Moses ra win: —Was king fero kaikaia, yang mita daukri witin ai uplika tara nani ba aikuki ai kupia karna upla bîla walras kaia. Bara baku yang bui witin nani bâk, warkki aihkakira nani dauki marikamni, yang warkki nahki daukaia sip sna ba.

Impakan Sturka 10:20

Ban sakuna, Dawan mita munan king fero kau kiama karna takan upla bîla walras pali, bara Israel luhpia nani ba swin taki waras kan.

Impakan Sturka 10:27

Ban sakuna, Dawan mita baku daukan, king fero ba kupia karna takaia bara upla nani bîla walras kaia, upla nani ba sin swika taki waras kaia.

Impakan Sturka 11:10

Bamna Moses bara Eran wal naha warkka aihkakira nani sut pali king fero mawanra daukan, sakuna Dawan aisin ba baku, witin bui Israel luhpia nani ba swin taki waras kan Idsip wina.

Impakan Sturka 11:9

Baha ningkara, Dawan mita Moses ra win: —King fero lika man nani bîlam walbia apia, baha mita yang warkki aihkakira nani ba kau ailal daukamna Idsip tasbaya ra.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 3:19

Ban sakuna, yang kaikisna Idsip kingka ba mai swika taki wama apia, taibi munras kabia kaka.

Impakan Sturka 3:20

Bamna yang bui witin nani ra karniki marikamna, diara aihkakira karnakira nani ai tasbaya ra daukamna ba wal, prura wal sin witin nani ra klala yabamna; baha ningkara witin mai swika taki wama.

Impakan Sturka 7:13

Baha sut kaikan sakuna, king fero lika kau ai lal karna daukan. Witin Moses bara Eran wal bîla walras, Dawan bui Moses ra wisata ba baku.

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Impakan Sturka 8:11

Pikpik nani sut king iwaika watla wina, uplikam tara nani bara wala nani sut watla ba wina taki wabia, bara awala ra baman kabia. Bara kli man ra sin nais takbia apia, uplikam tara bara upla wala nani ra sin nais munbia apia.

Impakan Sturka 8:15

Bara king fero kaikan pikpik nani ba sut prui tiwan, witin trabil wina pri takan kan, bara kli ai kupia karna daukan, Dawan mita Moses ra win ba baku, king ba Moses bara Eran wal bîla walras kan.

Impakan Sturka 8:32

Ban sakuna, king fero kli ai kupia karna daukan, bara Israel luhpia nani ba swin taki waras kan.

Impakan Sturka 9:12

Ban sakuna, Dawan mita king fero kupia ba karna daukan bara witin Moses bara Eran wal bîla walras, Dawan mita Moses bara Eran wal ra win ba baku.

Impakan Sturka 9:35

King fero ai kupia karna brih bara Israel luhpia nani ba swin taki waras, Dawan mita Moses ra pat win kan ba baku, king ba Israel luhpia nani ba swika taki wabia apia.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

Kli Smalkanka 2:36

Aroer tawanka tara Arnón awala un ra bâra ba, bara tawan tara il bîla ra bâra ba wina ba Galaad kat, tawan kumi sin karnika âpu kan wan mapara bûi aiklabaia. Dawan wan Gâdka mita baha nani sut ba yawan mihta ra kauhaia daukan.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.