Impakan Sturka 4:10 - DAWAN BÎLA AISKA

¹⁰ Sakuna Moses pana win: —¡Ay, Dawan! Yang sip bîli pain aisaras sna, yang trabilki na lika nahwala bara naiwa wina lika apia sika, sakuna patitara wina yang sip pain aisaras ban sna, sturi aisisna bani twisi ba alkisa.

Impakan Sturka 4:10 ပူးပေါင်းရင်းမြစ်များ

Impakan Sturka 3:11

Bamna Moses bila Gâd ra win: —¿Yang na yamna sna ki king fero mawanra waia, bara Israel luhpia nani ba Idsip wina brih sakaia?

Impakan Sturka 4:1

Moses kli pana aisin: —Ban sakuna, Israel luhpia nani ba yang ra kasak lukras ai walras kabia kaka, kli maipara aisabia: ‘Dawan lika man ra latan takras ai wibia kaka.’

Impakan Sturka 6:12

Ban sakuna, Moses pana Dawan ra win: —Israel luhpia nani pali sin yang bîli walras sa; ¿bara nahki king fero lika yang bîli walbia, yang aisaia kat sin sip pain aisaras sna na?

Impakan Sturka 6:30

Sakuna Moses pana aisin: —Dawan, yang bîli skalwi aisisna na, ¿bara nahki king fero yang bîli walbia?

Jirimaya 1:6

Yang pana wîri: “¡Ay, Dawan! ¡Yang sika wahma pali sna, sturi aisaia sin lan âpu sna!”

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

2 Korint 11:6

Bamna yang na aisaia mapa ra bîlas kum baku sna kuna, yang sinski tânka ba lika baku apia sa; bara naha na yang nani mita man nani ra latan mamrikri piua bani diara sut ra.