Impakan Sturka 39:8 - DAWAN BÎLA AISKA

⁸ Bamna lama prakaika, purara prakaia pîska ba sin, lama prakaika aiska ba, nahki mawan ba tânka kat maman, gul ni, kwala paura ni, kwala balianta ni, kwala pauni bara linin kwalka ni sin maman.

Impakan Sturka 39:8 ပူးပေါင်းရင်းမြစ်များ

Impakan Sturka 28:4

Prâka nani sipaia ba sika naha: lama prakaika ba, ‘‘efod’’ ba, purak dimaia prâka ba, prâka tara wala mamaia ba, linin ni sipaia lal ra wilkaika ba, bara maisa wila sin.

Epesus 6:14

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas.

Aiseya 59:17

Dawan ai kasakka lâka ba ni ai lama prakaika kum baku diman. Ai lal ra sin swaki sakan sumurka ba bapan; pana munaia kwalka ba brih bara ai prâka baku diman. Bara ai kupia baiwaia lâka ni ai pura prâka tara baku diman.

Lawana Nani 89:28

Laitwanka ba ban yabi kamni, yang wal lâ daukan lâka ba ban karna kabia.

Impakan Sturka 25:7

bara walpa klauhira karnilian wi ba, bara walpa pranakira wala nani sin, prîs tara ‘‘efod’’ ra ba prâka pîska wala ra pamaia dukiara.

Impakan Sturka 26:1

“Utla ba mâkma bara durka kwalka ba, linin kwalka matawalsip pitban kabia, mapla blu, balianta bara pauni, baku sin insal wâl lilka ba bahara pain maman kabia.

Impakan Sturka 39:9

Pîska yahpika yarika ba 9 ins bri kan, bîla yahpika sin 9 ins kan, bara baha pîska wal praki sipan, bara yahpika ba wan mihta yahpika baku kan.