Impakan Sturka 38:30 - DAWAN BÎLA AISKA

³⁰ Baha braska nani ni, tint watla durka playka nani ba paskan: Altar ba, yamhpus yakawaika ba bara watlika nani altar ra yus muni nani ba sut.

Impakan Sturka 38:30 ပူးပေါင်းရင်းမြစ်များ

Impakan Sturka 26:37

Bara akasia dusa wina playa matsip daukma, bara baha ba gul ni lalawma, bara kli playa tara matsip wala bras ni daukma, bara baha purara matsip ba bapi kwala ba ra pami swima.

Impakan Sturka 27:10

Bras ni playa 20 paskbia, bara kli playa tara wala 20 paskbia. Kwala pamaia bînka nani ba bara tâ dingkaia untika nani ba lika, silbar ni paskbia.

Impakan Sturka 27:17

Utla latka kutbanka playa bani ba, silbar ni daukan kabia. Kwala pamaia pînka nani ba sin bara mununhta karnika playka ba sut lika bras ni daukan kabia.

Impakan Sturka 27:2

Bara altar tâ kumi bani ba ra aringka walhwal dauks, baha nani lika altar wal pîs kumi paski daukaia, bara altar ba bras ni lalaubi dauks.

Impakan Sturka 27:4

Bras wayarka ni pitbi yamhpus yakawaika kum daukma, bara alki twilkaia untika walhwal daukma.

Impakan Sturka 38:29

Bras nani upla nani mita yan ba asla 5,310 paun kata.

Impakan Sturka 38:31

Baku sin, utla latka playka nani ba bara utla kutbanka tnaya kir bapi lakaia dusa nani ba bara utla kutbanka durka playka ba sut baha ni paskan.