Impakan Sturka 38:26 - DAWAN BÎLA AISKA

²⁶ Baha nani prisant yan ba, kumi bani ba mani yawanaiska pura bri kan. Bara baha nani sut kulkan ba 603,550 upla nani kata. Upla kumi bani ra silbar nahki prais makaban ba, praiska kat yaban kan, tint watla lalahka kulkanka kulki ba praiska kat.

Impakan Sturka 38:26 ပူးပေါင်းရင်းမြစ်များ

Impakan Sturka 12:37

Israel luhpia nani mahka taki wapan Ramsés wina Sucot ra. Mairin bara tuktan nani ailal kan ba lika, kulki kaikras kan. Sakuna waitna nani baman suldiar aimakaia manka alkan ba 600,000 kulkan kata.

Impakan Sturka 30:12

“Man bui Israel luhpia nani sut ba kulki kaikma ningkara, witin nani kumi bani Dawan ra ai rayaka pri sakan ba mana diara yabaia sa. Baha mita kulki kaikan bamna, pruaia sikniska witin nani kumi ra sin alkan kabia apia.

Impakan Sturka 30:13

Baha nani ai nina ulbi bani, silbar silin kum Dawan ra yan kaia sa, tempel lalahka kulkanka praiska kulki ba wina bakriki prais.

Impakan Sturka 38:27

Tint watla playka nani paskaia dukiara bara kwala pamaia playka nani ba dukiara upla nani mita yan kata, silbar 7,500 paun. Bara baha silbarka ba ni, handat playa nani mununhta karnika mangkan, kwala pamaia playa nani ba, karnika sin mangkan; playa kumi bani ba 75 paun bri kan.

Kulki Kaikanka 1:2

“Israel luhpia nani ba sut, kumi bani masraka bara taika nani ba sut kulkan kabia. Upla kulki kaikan natka kat, bara baku nu takbia upla an bâra ba. Bara nina nani sin mangkbia,

Kulki Kaikanka 1:3

mani yawanaiska kumi alkan ba wina ai purara, baha nani sut war aiklabaia waia sip ba. Eran hilp mai munbia bara baha nani war aiklabaia sip ba, daknika nina ba uls,

Kulki Kaikanka 1:46

kulkan asla sut lika 603,550 waitna nani kan.

Kulki Kaikanka 2:32

Israel luhpia nani, upla sut kulkanka ba 603,550 aiklaklabra nani kan.

Kulki Kaikanka 26:2

“Upla nani ba kli kulki kaiks, watla kumi bani ra, nina nani ba kli uls Israel luhpia nani sut, mani yawanaiska kum bri ba wina ai purara, baha nani war aiklabaia sip ba.”

Kulki Kaikanka 26:51

Bamna Israel luhpia nani sut kulki kaikan ba lika waitna nani 601,730 kata.

Matiu 17:24

Jisas ai disaipilka nani kira Kapernaum tawanka ra wan, tempel lal mana saki kan nani ba Pita ra wih, makabi walan: —¿Man nani smasmalkrikam ba tempel lal mana aibapisa ki?