Impakan Sturka 37:29 - DAWAN BÎLA AISKA

²⁹ Bamna Besalel mita yukan batana sunukira ba bara kîa yamni angki yamni daukaia batanka ba sin, kîa yamni dadaukra nani dauki ba tânka kat.

Impakan Sturka 37:29 ပူးပေါင်းရင်းမြစ်များ

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Lawana Nani 23:5

Pata tara kum yang piaia man bui ridi ai daukram, waihli nani mawan kat; batana laya ni laila ra laikram bara kapki ba banhki pali daukram.

Lawana Nani 92:10

Man kau karniki ba aikisma, bîp wainhka karna ba baku, bara yang laila ra batana laikisma.

Impakan Sturka 30:22

Dawan ba Moses ra aisi, naku win:

Impakan Sturka 37:28

Baha dusa nani ba akasia dusa ni daukan, baha sin gul ni lalauban.

Smasmalkra 10:1

Kukas pruan kum ba bisbaya sa bara kîa pain ra sauhkisa. Sinskas lâka nani isti ba dukiara kau aisisa, sins lâka kulkanka kau bri ba wal.

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Aiseya 61:1

Dawan Spiritka ba yang purira sa, kan Dawan mita bâk ai sakan bamna; upla umpira nani ra sturi yamni ba smalkaia ai blikan, kupia sari uplika nani lilia daukaia, silak ra mangkan nani ba ra pri takaia ba smalkaia, silak ra mangkan kan nani ra pri lâka;

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.